Soukapwüng 2:18 - Chuukese Bible

¹⁸ Iwe, iteiten fansoun, lupwen ewe Samol mi Lapalap a filätä soukapwüng fän iter, a eti ewe soukapwüng o amanaua ekewe aramas seni chon oputeer lon ükükün ränin manauen ewe soukapwüng. Pun ewe Samol mi Lapalap a tongeäsiniir pokiten ar riaföü ren chokewe mi ariaföüür o aweiresiir.

Soukapwüng 2:18 Iomraidhean Croise

Keneses 6:6

Iwe, ewe Samol mi Lapalap a lamalamala ren an föri aramas won fanüfan, letipan a pwal fokun weires ren.

2. King 13:4

Mürin, Jehoahas a iotek ngeni ewe Samol mi Lapalap, nge ewe Samol mi Lapalap a aüselinga i, pun a küna usun än ewe kingen Siria ariaföüü chon Israel.

Kölfel 12:5

Nge ewe Samol mi Lapalap a üra, “Iei ngang üpwe feito, pokiten ekewe chon wöüngau ra osupwang, pwal ekewe chon mwelele ra ngüngü. Ngang üpwe alenier lon ewe lenien kinamwe ra älälei.”

Kölfel 90:13

Ai Samol mi Lapalap, kopwe kul ngenikem. Ifa ükükün fansoun kopwe song ngenikem? Kopwe tongei noum kewe chon angang.

Ekistos 2:24

Iwe, Kot a rongorong ar siö o chechemeni an we pwon ngeni Apraham, Isaak me Jakop.

Ekistos 3:12

Iwe, Kot a pälüeni, “Ngang üpwe etuk. Ei epwe eu asisil ngonuk pwe ngang üa tinuk: Are ka emwenawu ekewe aramas seni lon Isip, epwe fis pwe oupwe fel ngeniei won ei chuk.”

Ekistos 32:14

Mürin, ewe Samol mi Lapalap a siwili an ekiekin afeiengaua nöün aramas.

Osea 11:8

Ifa usun ai üpwe tongeni fangatä, en Israel? Ifa usun ai üpwe tongeni likitukela? Ifa usun ai üpwe ataakela usun ai ataela Atma? Ifa usun ai üpwe tongeni föri ngonuk usun mine üa föri ngeni Sepoim? Letipei a siwil, ai tong a pwichikar o nüküchar.

Sona 3:10

Iwe, lupwen Kot a küna ar ekieksefäl me ar kul seni föförür mi ngau, a siwili an ekiek. Esap chüen ngeniir liwinin ar tipis usun a apasa epwe föri.

Numperis 10:9

Iwe, lupwen oupwe feila maun ngeni chon oputakemi mi ariaföüükemi me lon fanüemi, oupwe ettiki ewe tikin asilesilen maun ren ekewe rappwa. Mürin, ngang ewe Samol mi Lapalap ämi we Kot üpwe alisikemi o amanauakemi seni chon oputakemi.

Tuteronomi 32:36

Pun ewe Samol mi Lapalap epwe apwüngü nöün aramas o tongeäsini nöün kewe chon angang, lupwen a küna pwe esap chüen wor ar pöchökül, esap pwal chüen wor eman lusun, ese lifilifil ika ir amanau ika chon ngas.

Josua 1:5

Esap wor eman epwe tongeni ü ngonuk lon ränin manauom meinisin. Usun üa eti Moses, iei usun üpwe pwal etuk. Üsap tümwününgau ngonuk, üsap pwal likituk.

Soukapwüng 10:16

Mürin, ra pöütala ar kewe koten ekis mi nom rer o angang ngeni ewe Samol mi Lapalap. Iwe, Kot a chüngüw ekewe chon Israel lon ar riaföü.

Soukapwüng 11:32

Mürin, Jefta a feila pekila ren ekewe chon Amon pwe epwe maun ngeniir. Iwe, ewe Samol mi Lapalap a mwüt ngeni pwe a akufuur.

Soukapwüng 2:19

Nge iteiten fansoun, lupwen eman soukapwüng a mäla, ekewe aramas ra kulsefäl o föföringau lap seni semelaper kewe. Ra angang ngeni pwal ekoch kot o fel ngeniir. Iwe, resap fokun mochen likitala ar föför mi ngau ika ükütiu le tipeförea.

Soukapwüng 3:9

Nge lupwen ekewe aramasen Israel ra siö ngeni ewe Samol mi Lapalap, a filätä eman chon amanau fän iter, pwe epwe amanaueer. Iwe, iten ätei Otniel nöün Kenas we mwän, nge Kenas pwin Kalep kükün.

Soukapwüng 6:12

Iwe, nöün ewe Samol mi Lapalap we chon läng a pwä ngeni Kition o üreni, “Ewe Samol mi Lapalap a etuk, en sounfiu mi pwora.”

Soukapwüng 6:16

Iwe, ewe Samol mi Lapalap a üreni, “Ngang üpwe etuk, nge en kopwe akufu chon Mitian usun chök om kopwe akufu eman chök aramas.”