Soukapwüng 2:14 - Chuukese Bible

¹⁴ Iei mine ewe Samol mi Lapalap a song ngeni chon Israel o mwüt ngeni ekoch aramas pwe repwe soläni pisekir fän pöchökül, a pwal asechirela ngeni chon oputer mi nom ünükür, pwe repwe nom fän nemenier, nge resap chüen tongeni pwora ngeniir.

Soukapwüng 2:14 Iomraidhean Croise

2. Samuel 24:1

Iwe, ewe Samol mi Lapalap a pwal songsefäl ngeni chon Israel, pwe a pesei ngeni Tafit pwe epwe föri och mine repwe feiengau ren. A üra, “Kopwe feila o angei iteiten chon Israel me chon Juta.”

2. Samuel 7:11

lon ewe fansoun üa seikätä soukapwüng won nei aramasen Israel. Iwe, üpwe tümwünuk seni chon oputom meinisin. Ngang ewe Samol mi Lapalap üa pwal asile ngonuk pwe üpwe awora mwirimwirum.

2. King 13:3

Iei mine ewe Samol mi Lapalap a song ngeni chon Israel, pwe fansoun langatam a atolongeer fän nemenien Hasael ewe kingen Siria, pwal fän nemenien Penhatat nöün Hasael we mwän.

2. King 17:20

Iei mine ewe Samol mi Lapalap a pöütala ekewe chon Israel meinisin, a ariaföüür o asechirelong lepöün chon solä, tori a asürela seni fän mesan.

2. Kronika 15:5

Lon ekewe fansoun esap wor eman aramas a tongeni saifetal fän kinamwe, pun chon ekewe fanü meinisin ra nonom lon osukosuk me fitikoko watte.

2. Kronika 28:5

Iei mine ewe Samol mi Lapalap an we Kot a mwüt ngeni ewe kingen Siria pwe epwe akufu Ahas. Ätei a pwal liapeni eu mwichemongun aramas seni Juta o emwenirela Tamaskus. Kot a pwal mwüt ngeni Peka nöün Remalia we mwän ewe kingen Israel, pwe epwe akufu Ahas ren eu ninni mi fokun watte.

2. Kronika 36:16

Nge ir ra chök sopwela le turunufasei nöün Kot kewe chon künö, ra oput an kapas o ämängaua nöün kewe soufos, tori ewe Samol mi Lapalap a aworato an lingeringer won nöün aramas, nge esap chüen wor eman a tongeni sü seni.

Nehemia 9:27

Iei mine ka asechirelong lepöün chon oputeer mi ariaföüür. Iwe, lon fansoun ar riaföü ra siö ngonuk, nge en ka aüselingeer seni läng. Lon om ümöümöch mi lapalap ka ngeniir souemwen mi angaseer seni lepöün chon oputeer.

Kölfel 44:11

Ka asechikeemilong lepöür pwe repwe niikem usun sip mi amol ngeni ar repwe ninnila, ka pwal atoropasafeilikem lein chon ekewe mwü.

Kölfel 44:12

Ka amömöla noum kewe aramas ren liwin mi kisikis, nge kosap angei och win ren om amömörela.

Aisea 42:24

Iö a asechala Israel lepöün chon solä? Ifa usun, sap ewe Samol mi Lapalap? I ewe Kot ra tipis ngeni, resap mochen föri letipan o aleasochisi an kewe allük!

Aisea 50:1

Iei alon ewe Samol mi Lapalap, “Ifan ewe toropwen mwüfesen üa pöütala inemi ren? Üa amömökemiila ngeni iö pokiten ai liwinimang ngeni? Nengeni, oua püsin amömökemiila pokiten ämi kewe tipis, nge pokiten ämi kewe pupungau inemi a mwü.

Jeremaia 37:10

Are oupwe fen akufu unusen ewe mwichen sounfiun Papilon mi maun ngenikemi, nge epwe chök wor ekoch me leir mi kinas mi nom lon imwer imw mangaku, ir repwe ütä o kenala ei telinimw.’”

Lifitikos 26:17

Üpwe ü ngenikemi, nge oupwe kuf ren chon oputakemi. Chokewe mi oputakemi repwe nemenikemi. Iwe, ämi oupwe sü, ngei esap wor eman a tapwerikemi.

Lifitikos 26:28

mürin üpwe pwal ü ngenikemi lon ai song o püsin emiritikemi fän fisu lap seni me mwan pokiten ämi tipis.

Lifitikos 26:37

Eman epwe tumula won eman, usun chök aramas ra tumula ren ar sü lupwen maun, nge esap wor eman a tapweriir. Epwe wor ämi pireir, pwe ousap tongeni ü ngeni chon oputakemi.

Numperis 32:13

Iwe, ewe Samol mi Lapalap a fokun song ngeni chon Israel o föri pwe repwe rikifetal lon ewe fanüapö lon ükükün faik ier, tori ra rosola ewe pilon aramas mi föföringau me fän mesen ewe Samol mi Lapalap.

Numperis 32:14

Nge iei ämi oua chök tolong lemürürün sememi kewe, ämi eu täppin aramas mi tipis. Oua chök alapala än ewe Samol mi Lapalap song mi pöchökül ngeni Israel.

Tuteronomi 28:20

Iwe, ewe Samol mi Lapalap epwe tinato womi anümamau, fitikoko me apwüng lon meinisin mine oua föri tori oupwe mäla o müttir rosola pokiten ämi föför mi ngau me ämi likitala Kot.

Tuteronomi 28:25

Iwe, ewe Samol mi Lapalap epwe föri pwe oupwe kuf ren chon oputemi. Oupwe feila won efoch al pwe oupwe maun ngeniir, nge oupwe sü me mwer won fufoch al. Chon ekewe mwü meinisin won fanüfan repwe fokun niuokus, lupwen repwe küna mine a fis ngenikemi.

Tuteronomi 28:58

Iwe, are ousap tümwünüöchü le föri ekei allük meinisin mi mak lon ei puk, are ousap pwal meniniti iten ewe Samol mi Lapalap ämi we Kot, ewe it mi ling o eniweniw,

Tuteronomi 32:30

Pwota eman mwän epwe tongeni tapweri engeröü, pwota ruoman repwe tongeni asüela engol ngeröü? Ifa usun, esap fis ei pokiten ar Kot a amömörela, pokiten ewe Samol mi Lapalap a asechirela?

Josua 23:16

Are oua atai ewe pwon ewe Samol mi Lapalap ämi we Kot a eäni ngenikemi, are oupwe angang ngeni pwal ekoch kot o fel ngeniir, ewe Samol mi Lapalap epwe song ngenikemi. Oupwe müttir rosola seni ewe fanü mi mürina a ngenikemi.”

Soukapwüng 1:19

Ewe Samol mi Lapalap a eti ekewe chon Juta, pwe ra liapeni ewe fanü mi chukuchukutä o fanüeni. Nge resap tongeni asüela aramasen lon ewe maasies, pun a wor war woken seni mächä.

Soukapwüng 1:34

Nge ekewe chon Amor ra etia chon ewe ainangen Tan ngeni ewe fanü mi chukuchukutä, pun resap mwüt ngeniir pwe repwe feitiu lon ewe maasies.

Soukapwüng 10:7

Iei mine ewe Samol mi Lapalap a fokun song ngeni chon Israel o asechirela ngeni chon Filistia me chon Amon

Soukapwüng 2:20

Iei mine ewe Samol mi Lapalap a fokun song ngeni chon Israel o apasa, “Pokiten ekei aramas ra atai ai pwon üa pwon ngeni ar kewe lewo, nge resap aleasochisi aloi,

Soukapwüng 3:12

Iwe, ekewe aramasen Israel ra pwal förisefäli mine a ngau me fän mesen ewe Samol mi Lapalap. Iei mine ewe Samol mi Lapalap a apöchöküla Eklon ewe kingen Moap, pwe a ü ngeni chon Israel.

Soukapwüng 4:2

Iei mine ewe Samol mi Lapalap a asechirela ngeni Japin ewe kingen Kanaan mi nemenem lon Hasor. Iwe, ewe samolun nöün mwichen sounfiu itan Sisera, a imweimw lon Haroset-hakoim.