Soukapwüng 2:12 - Chuukese Bible

¹² Ra likitala ewe Samol mi Lapalap än ar kewe lewo we Kot mi emwenirewu seni ewe fanü Isip. Ra pwal popuetä le fel ngeni pwal ekoch kot än ekewe aramas mi nom ünükür. Ren ei ra asonga ewe Samol mi Lapalap.

Soukapwüng 2:12 Iomraidhean Croise

Kölfel 106:36

Ra fel ngeni ar kewe uluulun anümwäl, nge ekewe uluulun anümwäl ra wiliti eu likatup ngeniir.

Kölfel 78:58

Pun ra asonga Kot ren ar lenien fel won ekewe leni tekia, ra pwal föri pwe a lingeringeritiir ren ar kewe uluulun anü mi fal.

Ekistos 13:14

Nge ika nöümi mwän repwe aisinikemi lon kan rän mwach, ‘Met wewen ei föför?’, oupwe üreniir, ‘Ewe Samol mi Lapalap a emwenikeemiwu seni Isip ren pöün mi manaman, ewe leni ia ra nöünikem amanau ie.

Ekistos 13:16

Ei epwe usun chök eu asisil won pöümi pwal eu pisekin achem won chamwemi. Pun ewe Samol mi Lapalap a emwenikichewu seni Isip ren pöün mi pöchökül.”

Ekistos 13:3

Iwe, Moses a üreni ekewe aramas, “Oupwe chechemeni ei rän, ewe rän oua towu seni Isip, ewe leni ia ra nöünikemi amanau ie. Pun lon ei rän ewe Samol mi Lapalap a emwenikemiiwu ren pöün mi manaman. Ousap mongö pilawa mi wor iis lon.

Ekistos 13:9

Ei epwe usun chök eu asisil won pöümi pwal eu pisekin achem won chamwemi, pwe oupwe chök leaweni än ewe Samol mi Lapalap kewe allük. Pun ewe Samol mi Lapalap a emwenikemiiwu seni Isip ren pöün mi manaman.

Ekistos 20:5

Kosap chapetiu ngeniir are fel ngeniir, pun ngang ewe Samol mi Lapalap om Kot eman Kot mi lukomong. Üa liwini än samasam föföringau won nöür kana tori aülüngatin are arüanün tettelin chokana mi oputaei.

Jeremaia 16:11

mürin kopwe üreniir, ‘Iei alon ewe Samol mi Lapalap: Ei a fis pokiten ämi kewe lewo ra likitieila, pwe repwe angang ngeni pwal ekoch kot o fel ngeniir. Ra likitieila, nge resap aleasochisi ai kewe allük.

Tuteronomi 13:5

Nge ewe soufos ika soutan epwe ninnila, pun a aiti ngenikemi pwe oupwe ü ngeni ewe Samol mi Lapalap ämi we Kot mi emwenikemiiwu seni ewe fanü Isip o angasakemi seni ewe leni ia ra nöünikemi amanau ie. A pwal sotuni le atokakemi seni mine ewe Samol mi Lapalap ämi we Kot a allük ngenikemi pwe oupwe föri. Iei usun oupwe atowu ewe mi ngau seni lefilemi.

Tuteronomi 29:18

Oupwe afälikemi pwe esap wor me leimi eman mwän ika fefin, eu famili ika eu ainang ikenai epwe tokola seni ewe Samol mi Lapalap ach we Kot, pwe epwe feila o fel ngeni koten ekewe mwü. Pun ika eman epwe föri iei usun, epwe usun chök waaren efoch irä pwennan a märitä o uani ua mi poison me maras,

Tuteronomi 29:25

Mürin, aramas repwe apasa, ‘Popun a fis ei pwe ekewe chon Israel ra atai ewe pwon ewe Samol mi Lapalap än ar kewe lewo we Kot a föri ngeniir, lupwen a emwenirewu seni ewe fanü Isip.

Tuteronomi 32:15

Nge Jesurun a kitinupula o rochongau, a kitinupula, a wattela o misimis. Mürin a likitala Kot ewe mi föri, a turunufasei ewe Achau an Chon Amanau.

Tuteronomi 33:17

Iwe, lingen Josef a usun chök lingen mweinöün ätemwänin kow, nge mächän ra usun chök mächän eman ätemwänin kow mi mwacho. Ren mächän kewe epwe purei ekewe aramas meinisin tori lesopun fanüfan. Iei usun lapalapen ekewe engol ngeröün aramas seni ewe ainangen Efraim, pwal ekewe ngeröün seni ewe ainangen Manasa.”

Tuteronomi 4:25

Iwe, lupwen epwe wor nöümi kana me nöün nöümi, nge oua nomotam lon ewe fanü, a tongeni fis pwe oupwe tipis ren ämi föri uluulun anümwäl lon lapalapen sokopaten mettoch. Iwe, ren ämi föri mine a ngau me fän mesen ewe Samol mi Lapalap, oupwe asonga.

Tuteronomi 5:9

Kosap chapetiu ngeniir are fel ngeniir, pun ngang ewe Samol mi Lapalap om Kot, eman Kot mi lukomong. Üa liwini än samasam föföringau won nöür kana tori aülüngatin are arüanün tettelin chokana mi oputaei.

Tuteronomi 6:12

oupwe afälikemi pwe ousap manlükala ewe Samol mi Lapalap mi emwenikemiiwu seni ewe fanü Isip, ewe ia ra nöünikemi amanau ie.

Soukapwüng 10:11

Nge ewe Samol mi Lapalap a üreni ekewe aramasen Israel, “Lupwen ekewe chon Isip me chon Amor, ekewe chon Amon me chon Filistia,

Soukapwüng 5:8

Lupwen chon Israel ra filätä ekewe kot mi fö, maun a tolong lon fanüer. Ifa usun, a wor ren faik ngeröü sounfiun Israel tittin maun ika siles?

Soukapwüng 8:33

Mürin chök än Kition mäla, ekewe aramasen Israel ra kulsefäl seni Kot o fel ngeni ekewe anü Paal, ra pwal filätä Paal-perit pwe ar kot.