Soukapwüng 2:11 - Chuukese Bible

¹¹ Mürin, ekewe aramasen Israel ra föri mine a ngau me fän mesen ewe Samol mi Lapalap o angang ngeni ekewe anü Paal.

Soukapwüng 2:11 Iomraidhean Croise

Keneses 13:13

Nge ekewe re Sotom ra fokun föföringau o tipis ngeni ewe Samol mi Lapalap.

Keneses 38:7

Nge Er nöün Juta mwänichi a fokun föföringau fän mesen ewe Samol mi Lapalap. Iei mine ewe Samol mi Lapalap a niela.

1. King 11:5

Pun Salomon a fel ngeni Astarot än chon Siton we anüfefin, pwal ngeni Molok än chon Amon we kot mi fokun anioput.

1. King 18:18

Nge Elias a üreni, “Sap ngang üa atolonga Israel lon feiengau, ngei en me chon leimwen semom, pun oua aleasolap ngeni än ewe Samol mi Lapalap kewe allük o fel ngeni ekewe uluulun anü Paal.

1. King 22:53

Iwe, a angang ngeni ewe anü Paal o fel ngeni, usun chök saman we a föri. Ren ei a asonga ewe Samol mi Lapalap ewe Koten Israel.

2. Kronika 28:2

A apirü än ekewe kingen Israel föför, a pwal föri uluulun ewe anü Paal seni mächä.

2. Kronika 28:3

Iwe, a keni apach mi pwokus lon ewe lemolun Pen-hinom, a pwal mwo nge keni nöün kewe ät pwe an asor ngeni ekewe uluulun anümwäl, usun än chon ekewe mwü föför mi anioput, ekewe mwü ewe Samol mi Lapalap a asürela me mwen ekewe aramasen Israel.

2. Kronika 33:6

Iwe, a kenala nöün ät pwe eu asor lon ewe lemolun Hinom, a pwal föri angangen souasisil me souwo me sourong o churi watawa me souawarawar. Manasa a föri chomong sokun föför mi ngau me fän mesen ewe Samol mi Lapalap o asonga i.

Esra 8:12

Seni ekewe mwirimwirin Askat: Johanan nöün Hakatan, nge ipükü engol mwän ra eti.

Nehemia 9:26

Iei mwo nge noum kewe aramas ra chök lükümach o ü ngonuk, ra pöütala om allük lükisökürür o niela noum kewe soufos mi fönöör pwe repwe kulsefälituk, ra pwal fokun turunufaseek.

Kölfel 78:56

Nge ir ra sotuni ewe Kot mi Unusen Tekia o ü ngeni. Resap aleasochisi an kewe allük,

Jeremaia 11:10

Ra kulusefäliti än ar kewe lewo tipis, ir chokewe resap mochen apwönüetä ai kewe kapas. Ra fel ngeni pwal ekoch kot o angang ngeniir. Chon Israel me chon Juta ra atai ai we pwon üa eäni ngeni ar kewe lewo.

Jeremaia 16:11

mürin kopwe üreniir, ‘Iei alon ewe Samol mi Lapalap: Ei a fis pokiten ämi kewe lewo ra likitieila, pwe repwe angang ngeni pwal ekoch kot o fel ngeniir. Ra likitieila, nge resap aleasochisi ai kewe allük.

Jeremaia 2:20

Ewe Samol mi Lapalap a pwal apasa, “Chomong ier ra la, en Israel, kosap mochen anomuk fän ai nemenem. Kosap mochen aleasochisiei o fel ngeniei. Nge ka fel ngeni ekewe koten leres won iteiten chuk pwal fän iteiten irä mi mwuresires.

Jeremaia 2:23

Pwota ka tongeni apasa, ‘Ngang üsap limengau. Ngang üsap fel ngeni ekewe anü Paal.’ Kopwe nenengeni om kewe föför ka föriir me lon ewe lemol o chechemeni mine ka föri. Ka usun chök eman liefefinin kamel mi säfeil ekis meinisin, lupwen a mochen etieti.

Jeremaia 32:23

Nge lupwen ra tolong lon ei fanü o fanüeni, resap aleasochis ngonuk ika föri pwüngün om allük. Resap fokun föri och usun mine ka allük ngeniir pwe repwe föri. Iei mine ka awarato wor ekei feiengau meinisin.

Jeremaia 9:14

Nge ra ülöförea o chei mochenin leluker, ra fel ngeni ekewe anü Paal usun ar kewe lewo ra aiti ngeniir.

Numperis 25:3

Iei usun ekewe chon Israel ra etiir le fel ngeni Paal me lon Peor. Nge ewe Samol mi Lapalap a fokun song ngeniir.

Tuteronomi 31:16

Iwe, ewe Samol mi Lapalap a üreni Moses, “A arapakan om kopwe le mäla o nom ren om kewe lewo. Mürin, ekei aramas repwe föri usun chök angangen lisowu ren ar fel ngeni pwal ekoch koten ewe fanü ia repwe feila ie. Iwe, repwe likitieila o ataela ai we pwon üa föri ngeniir.

Tuteronomi 4:25

Iwe, lupwen epwe wor nöümi kana me nöün nöümi, nge oua nomotam lon ewe fanü, a tongeni fis pwe oupwe tipis ren ämi föri uluulun anümwäl lon lapalapen sokopaten mettoch. Iwe, ren ämi föri mine a ngau me fän mesen ewe Samol mi Lapalap, oupwe asonga.

Soukapwüng 10:10

Mürin, ekewe aramasen Israel ra siö ngeni ewe Samol mi Lapalap o apasa, “Äm aia tipis ngonuk, pun aia likitukela, en äm Kot, o angang ngeni ekewe anü Paal.”

Soukapwüng 10:6

Iwe, ekewe aramasen Israel ra pwal förisefäli mine a ngau me fän mesen ewe Samol mi Lapalap, pwe ra angang ngeni ekewe anü Paal me Astarot, ngeni ekewe koten Siria me Siton, ekewe koten Moap me än chon Amon pwal än chon Filistia kewe kot. Ra likitala ewe Samol mi Lapalap o ükütiu le angang ngeni.

Soukapwüng 13:1

Iwe, ekewe aramasen Israel ra pwal förisefäli mine a ngau me fän mesen ewe Samol mi Lapalap. Iei mine ewe Samol mi Lapalap a atolongeer fän nemenien ekewe chon Filistia lon ükükün faik ier.

Soukapwüng 3:12

Iwe, ekewe aramasen Israel ra pwal förisefäli mine a ngau me fän mesen ewe Samol mi Lapalap. Iei mine ewe Samol mi Lapalap a apöchöküla Eklon ewe kingen Moap, pwe a ü ngeni chon Israel.

Soukapwüng 3:7

Iwe, ekewe chon Israel ra manlükala ewe Samol mi Lapalap ar we Kot. Ra föri mine a ngau me fän mesan o fel ngeni ekewe anü Paal me Astarot.

Soukapwüng 4:1

Mürin än Ehut mäla, ekewe aramasen Israel ra pwal förisefäli mine a ngau me fän mesen ewe Samol mi Lapalap.

Soukapwüng 6:1

Iwe, ekewe aramasen Israel ra pwal föri mine a ngau me fän mesen ewe Samol mi Lapalap. Iei mine a atolongeer fän nemenien chon Mitian lon ükükün fisu ier.

Soukapwüng 6:25

Iwe, lon ewe pwinin ewe Samol mi Lapalap a üreni Kition, “Kopwe angei nöün semom ätemwänin kow, ewe aruomanün ätemwänin kow fisu ierin o ataela än semom rongen asor fän iten ewe anü Paal. Kopwe pwal pöküetiu uluulun ewe anüfefin Asera mi nom ünükün.

Soukapwüng 8:33

Mürin chök än Kition mäla, ekewe aramasen Israel ra kulsefäl seni Kot o fel ngeni ekewe anü Paal, ra pwal filätä Paal-perit pwe ar kot.

1. Samuel 12:10

Mürin ra siö ngeni ewe Samol mi Lapalap o apasa, ‘Äm aia tipis, pun aia likitukela en äm Samol mi Lapalap o angang ngeni ekewe uluulun Paal me Astarot. Nge iei kopwe angasakem seni chon oputakem. Iwe, äm aipwe angang ngonuk.’

1. Samuel 7:3

Iwe, Samuel a üreni chon Israel meinisin, “Are oua kul ngeni ewe Samol mi Lapalap ren unusen lelukemi, oupwe pöütala ekewe koten ekis me ekewe uluulun ewe anüfefin Astarot mi nom remi o atolongakemi fän nemenien ewe Samol mi Lapalap, pwe oupwe angang ngeni i chök. Mürin epwe angasakemi seni fän nemenien ekewe chon Filistia.”

1. Samuel 7:4

Iei mine chon Israel ra pöütala ekewe uluulun Paal me Astarot o angang ngeni ewe Samol mi Lapalap chök.