Soukapwüng 19:9 - Chuukese Bible

⁹ Nge lupwen ewe mwän me ülüpwülüan we pwal nöün chon angang ra ütä pwe repwe feila, semen ülüpwülüan we a üreni, “Nengeni, a arapakan epwe le lekuniol, kose mochen kopwe nonom rei pwal lon ei pwin. A arapakan epwe le pwinila. Kopwe pwinipwin ikei o pwapwa. Iwe, lesor kopwe pwätä lesosorusich o sai ngeni leniom.”

Soukapwüng 19:9 Iomraidhean Croise

2. Samuel 13:28

Mürin, Apsalom a allük ngeni nöün kewe chon angang, “Oupwe mamasa. Lupwen Amnon epwe pwapwa ren an ün wain, üpwe ürenikemi pwe oupwe awata o niela. Ousap niuokus. Pun ifa usun, sap ngang üa allük ngenikemi? Oupwe tipepwora o tipen mwän.”

Än Salomon Fos 27:1

Kosap sikesik usun lesor, pun kosap silei mine ewe rän epwe atoto.

Lukas 24:29

Nge ir ra fokun pesei o tüngor ngeni, “Kose mochen kopwe nonom rem, pun a lekuniolula, nge epwe le pwinituk.” Iei mine a tolong lon imwer pwe epwe nonom rer.

Soukapwüng 19:10

Nge ewe mwän esap mochen pwinini pwal epwin. Iei mine a ütä, a feila o sai wenewen ngeni Jepus, iei Jerusalem, pwal nöün kewe ruoman aas mi uwou pisek me ülüpwülüan we ra eti.

Soukapwüng 19:6

Iei mine ekewe ruoman mwän ra mottiu, ra mongö o ünfengen. Iwe, semen ewe föpwül a üreni ewe mwän, “Kose mochen kopwe pwal pwinini epwin o pwapwa.”

Soukapwüng 19:8

Iwe, lon alimuen rän ewe mwän seni ewe ainangen Lefi a pwätä lesosorusich pwe epwe feila. Nge semen ewe föpwül a üreni, “Kopwe chunuk o witiwit tori leolopal.” Iwe, ra mongöfengen.

Rut 3:7

Nge lupwen Poas a pwi le mongö o ün, letipan a pwapwa. A feila lesopun ewe chukun föün parli o konola pwe epwe annut. Mürin, Rut a anifeto, a särifätä pwölüpwölün pachapachan o konola ünükün.