Soukapwüng 19:6 - Chuukese Bible

⁶ Iei mine ekewe ruoman mwän ra mottiu, ra mongö o ünfengen. Iwe, semen ewe föpwül a üreni ewe mwän, “Kose mochen kopwe pwal pwinini epwin o pwapwa.”

Soukapwüng 19:6 Iomraidhean Croise

2. Samuel 13:28

Mürin, Apsalom a allük ngeni nöün kewe chon angang, “Oupwe mamasa. Lupwen Amnon epwe pwapwa ren an ün wain, üpwe ürenikemi pwe oupwe awata o niela. Ousap niuokus. Pun ifa usun, sap ngang üa allük ngenikemi? Oupwe tipepwora o tipen mwän.”

1. King 21:7

Nge Isipel a üreni, “Ifa usun, en king lon Israel, ika sap en? Kopwe pwätä o mongö, kopwe pwapwa. Ngang üpwe angei ngonuk än Napot we tanipin wain.”

Ester 1:10

Iwe, lon afisuen ränin ewe kametip, lupwen ewe king a pwapwa ren an ünümi wain, a allük ngeni Mehuman, Pista, Harpona, Pikta, Apakta, Setar me Karkas, ir nöün ewe king kewe füman chon angang mi angang ngeni,

Kölfel 104:15

Iwe, epwe wor wain pwe aramas repwe ün o pwapwa, epwe wor lö pwe repwe emmisi ngeni won meser, pwal pilawa pwe repwe mongö o pöchökül ren.

Lukas 12:19

Mürin üpwe üreni ngüni: Ngüni, a wor chomong mettochumw, a naf ngonuk lon chomong ier. Kopwe manau fän kinamwe. Kopwe momongö o ükün o pwapwa.’

1. Tesalonika 5:3

Lupwen aramas ra apasa, “Mettoch meinisin a kinamwe o nükünüköch”, mürin feiengau epwe müttir toriir usun cheuchen fam a tori eman fefin, nge esap wor eman aramas epwe tongeni sü seni.

Pwärätä 11:10

Iwe, ekewe aramasen fanüfan repwe fokun pwapwa pokiten ekei ruoman soufos ra mäla. Repwe föri apwapwan mine a fis o lifangfengen lefiler, pun ekei ruoman ra atoto watten riaföü won chon fanüfan.

Pwärätä 11:13

Lon ewe chök otun a wor eu chechechin fanü mi pöchökül o eu leengolun ewe telinimw a tala. Iwe, fisungeröü aramas ra mäla ren, nge ekewe lusun aramas mi chüen manau ra fokun rükö o mwareiti manamanen ewe Kot mi nom läng.

Soukapwüng 16:25

Lupwen leluker a fokun mwänek, ra apasa, “Oupwe körato Samson pwe epwe sipai ngenikich.” Iei mine ra kökkörawu Samson me lon imwen fötek, nge i a sipai ngeniir. Mürin, ra aütai lefilen ekewe üren ewe imw.

Soukapwüng 19:7

Nge lupwen ewe mwän seni ewe ainangen Lefi a ütä pwe epwe feila, semen ülüpwülüan we a pesei tori a pwal pwinipwinsefäl.

Soukapwüng 19:9

Nge lupwen ewe mwän me ülüpwülüan we pwal nöün chon angang ra ütä pwe repwe feila, semen ülüpwülüan we a üreni, “Nengeni, a arapakan epwe le lekuniol, kose mochen kopwe nonom rei pwal lon ei pwin. A arapakan epwe le pwinila. Kopwe pwinipwin ikei o pwapwa. Iwe, lesor kopwe pwätä lesosorusich o sai ngeni leniom.”

Soukapwüng 9:27

Iwe, ekewe aramas ra feila lon ar kewe tanipin wain o kini ekewe föün irän wain, ra pwal üchü ekewe föün o föri eu kametip. Iwe, ra feila lon imwen ar kot, ra mongö o ün, ra pwal eäni kapasen turunufas usun Apimelek.

Rut 3:7

Nge lupwen Poas a pwi le mongö o ün, letipan a pwapwa. A feila lesopun ewe chukun föün parli o konola pwe epwe annut. Mürin, Rut a anifeto, a särifätä pwölüpwölün pachapachan o konola ünükün.

1. Samuel 25:36

Iwe, Apikael a liwinto ren Napal. Nge Napal a föri eu kametip lon imwan usun än eman king kametip. Iwe, a pwapwa lon lelukan, pun a fokun pulas. Iei mine neminewe esap fokun apworausa ngeni och tori a ränila.