Soukapwüng 19:3 - Chuukese Bible

³ Mürin, pwülüan we a ütä o feila mürin, pwe epwe fos pwetete ngeni o aliwinisefäli. Nge eman nöün chon angang me ruoman aas ra eti. Iwe, neminewe a emwenalong lon imwen saman, nge lupwen semen ewe föpwül a küna, a etiwa fän pwapwa.

Soukapwüng 19:3 Iomraidhean Croise

Keneses 34:3

Iwe, leluken Sikem a pach ngeni Tina nöün Jakop we föpwül, pwe a fokun tongei o fos pwetete ngeni.

Keneses 50:21

Iei mine ousap niuokus, pun ngang üpwe tümwünükemi me nöümi semirit.” Iei usun a chächäriir ren an kapas pwetete ngeniir.

Jeremaia 3:1

Iei alon ewe Samol mi Lapalap, “Are eman mwän a pöütala pwülüan, nge neminewe a feila o pwüpwülü ngeni pwal eman, ifa usun, ätewe epwe tongeni pwülüenisefäli neminewe? Ifa usun, ewe fanü esap fokun limengau ren? Nge en, Israel, a wor chomong noum kamwet. Ifa usun, kopwe chüen tongeni liwinitiei?

Osea 2:14

Iei mine üpwe panala neminewe, üpwe emwenala lon ewe fanüapö o kapas pwetete ngeni.

Osea 2:16

Lon ena rän epwe aita ngeniei pwe ngang pwülüan, nge esap chüen aita ngeniei pwe ngang an anü Paal. Ngang ewe Samol mi Lapalap üa kapas.

Lifitikos 19:17

Kosap oput pwiüm lon lelukom, nge kopwe fönöü chon arum, pwe kosap tolong lon tipis pokitan.

Lifitikos 20:10

Iwe, are eman mwän a lisowu ngeni pwülüen chon arun, ir me ruoman, ewe mwän me ewe fefin, repwe ninnila.

Numperis 22:22

Nge Kot a fokun song pokiten an feila. Iwe, Palam a sai won nöün we aas, nge ruoman nöün chon angang ra eti. Iwe, nöün ewe Samol mi Lapalap chon läng a ütä lon ewe al pwe epwe pinei an sai.

Mateus 1:19

Nge Josef eman mwän mi föföri mine a pwüng, esap mochen asäwa Maria mwen mesen aramas, iei mine a ekiekin likitala, nge le monomon chök.

Johannes 8:11

Ewe fefin a pölüeni, “Ai samol, esap chüen wor eman leir a nom.” Mürin Jesus a üra, “Üsap pwal fokun apwünguk. Kopwe feila, nge kosap chüen föri tipis.”]

Kalatia 6:1

Ämi pwii kana, are eman me leimi a tur lon tipis, chokewe me leimi mi eäni Ngünmifel repwe apwüngü fän tipepwetete. Nge oupwe püsin afälikemi pwe ousap pwal turulong lon sosot.

Soukapwüng 15:1

Mürin ekoch fansoun, lon fansoun kinikin wiich, Samson a feila pwe epwe churi pwülüan we o uwei eman apanen kuuch. A üreni semen neminewe, “Üpwe tolong ren pwülüei lon ewe rum.” Nge ätewe esap mwüt ngeni an epwe tolong.

Soukapwüng 19:2

Iwe, ülüpwülüan a song ngeni, a sü seni o liwiniti imwen seman mi nom Petleem lon Juta. A nom ikenan lon ükükün rüanü maram.

Soukapwüng 19:26

Lupwen a arap ngeni an epwe le rän, ewe fefin a feito o turula lükün asamalapen imwen ewe chinlap mwän, ia pwülüan we a nom ie. A nom ikenan tori a ränila.

Soukapwüng 19:4

Mürin, semen ülüpwülüan we a pesei pwe epwe nom ren lon ükükün ülüngat rän. Ra mongö o ün, ra pwal pwinipwin ikenan.