Soukapwüng 19:16 - Chuukese Bible

¹⁶ Lon ewe chök kuniolun, eman chinlap mwän a liwinto seni an angang lemäl. Wesewesen lenien ewe mwän won chukuchukutän ewe fanü Efraim, nge iei a nom lon Kipea. Nge chon ewe leni chon ewe ainangen Peniamin.

Soukapwüng 19:16 Iomraidhean Croise

Keneses 3:19

Kopwe mongö anom fän molonom tori om kopwe wiliti pwül ka för seni. Pun pwül en, iei popun om kopwe wiliti pwül.”

Kölfel 104:23

Mürin, aramas ra feila ngeni ar angang, ra angang tori lekuniol.

Kölfel 128:2

Kopwe mongö uän angangen poum, kopwe pwapwa o feiöch.

Än Salomon Fos 13:11

Eman mi wöümongola fän mecheres wöün epwe müttir kisikisila, nge eman mi ioni ekis me ekis fän weires wöün epwe lapala.

Än Salomon Fos 14:23

Eman mi weires le angang epwe angei winnan, nge eman mi kapas chök epwe tolong lon osupwang.

Än Salomon Fos 24:27

Kopwe akomwen amolätä o fotuki om kewe tanipi, pwe epwe wor mine kopwe manau seni, mürin na kopwap aüetä imwom o popuetä eu famili.

Än Salomon Afalafal 1:13

Iwe, ren sokopaten tipachem üa achocho le kütta o ekiekifichi meinisin mine aramas ra föri won fanüfan. Iwe, a men weires ewe angang Kot a ngeni chon fanüfan pwe repwe föri.

Än Salomon Afalafal 5:12

Eman mi angang weires a möür kinamwe, ika a wor ekis chök anan ika chomong. Nge eman mi fokun wöümong esap tongeni möür kinamwe ren an öüreki wöün.

Osea 9:9

Än ekewe aramas föför ra fokun ngauala usun chök ngauen ewe föför a fis me lon Kipea. Kot epwe chechemeni ar föföringau o ngeniir liwinin ar tipis.

Efisos 4:28

Eman mi sosolä me lom epwe ükütiu le solä, nge epwe achocho le angang pwe epwe wor met epwe lomot ngeni püsin i, epwe pwal tongeni alisi ekewe mi wöüngau.

2. Tesalonika 3:10

Pun lupwen aia nom remi aia ükürenikemi, “Iö esap mochen angang esap pwal tongeni mongö.”

Soukapwüng 19:1

Iwe, lon ena fansoun, lupwen esap wor eman king lon Israel, eman mwän seni ewe ainangen Lefi a wasöla won chukuchukutän ewe fanü Efraim mi toauala. Ätewe a angei eman ülüpwülüan seni Petleem lon Juta.

Soukapwüng 19:14

Iei mine ra feila won aler, nge ewe akkar a tuputiu, lupwen ra arap ngeni Kipea lon fanüen chon ewe ainangen Peniamin.

Soukapwüng 19:15

Iwe, ra rik ngeni Kipea pwe repwe pwinipwin ikenan. Ra tolong lon ewe telinimw o mot lon ewe lenien amwicheich, nge esap wor eman a etiweer lon imwan pwe repwe pwinipwin.

Soukapwüng 19:17

Iwe, ewe chinlap mwän a küna ewe chon siamü lon ewe lenien amwicheich o aisini, “Ia ka feito me ie? Nge ia kopwe feila ie?”