Soukapwüng 18:8 - Chuukese Bible

⁸ Iwe, lupwen ekewe limman mwän ra liwiniti Sora me Estaol, aramaser kewe ra aisiniir, “Met pworausemi?”

Soukapwüng 18:8 Iomraidhean Croise

Josua 15:33

Nge iten ekewe telinimw lon ewe fanü tekison: Estaol, Sora me Asna,

Soukapwüng 13:2

Iwe, mi wor eman mwän lon Sora seni ewe ainangen Tan itan Manoa. Nge pwülüan esap nöünöü, pun a rit.

Soukapwüng 16:31

Mürin, pwin kewe me unusen an famili ra feitiu o angei somän, ra uweela o peiaseni lefilen Sora me Estaol lon peiasen Manoa saman we. Iwe, Samson a soukapwüng lon Israel lon ükükün rüe ier.

Soukapwüng 18:11

Iwe, ükükün wonopükü mwän seni ewe ainangen Tan ra feila seni Sora me Estaol fän ar pisekin maun.

Soukapwüng 18:2

Iei mine ekewe chon Tan ra filätä limman mwän mi pwora seni lon unusen ar ainang. Ra tinirela seni Sora me Estaol o üreniir pwe repwe operi ewe fanü o ouwasacha. Iwe, ra tori chukuchukutän ewe fanü Efraim lon imwen Maika o pwinipwin ikenan.

Soukapwüng 18:7

Mürin, ekewe limman mwän ra feila o tori ewe telinimw Lais. Iwe, ra küna ekewe aramas mi nonom ikenan, pwe ra nom fän kinamwe usun chon Siton. Ra mosonoson, nge resap ekieki pwe eman epwe maun ngeniir, esap pwal wor och mine ra osupwang ren me won fanüfan, pun ra fokun pisekisek. Ra pwal küna pwe ra toau seni chon Siton, nge resap chiechi ngeni mwo eman.

Soukapwüng 18:9

Nge ir ra pälüeni, “Oupwe ütä, ousipwe feila o maun ngeni chon Lais. Pun äm aia küna ewe fanü pwe a fokun pwülüöch. Ifa usun, oupwe chök momot ikei? Oupwe müttir feila o tolong lon ewe fanü pwe oupwe fanüeni.