Soukapwüng 18:7 - Chuukese Bible

⁷ Mürin, ekewe limman mwän ra feila o tori ewe telinimw Lais. Iwe, ra küna ekewe aramas mi nonom ikenan, pwe ra nom fän kinamwe usun chon Siton. Ra mosonoson, nge resap ekieki pwe eman epwe maun ngeniir, esap pwal wor och mine ra osupwang ren me won fanüfan, pun ra fokun pisekisek. Ra pwal küna pwe ra toau seni chon Siton, nge resap chiechi ngeni mwo eman.

Soukapwüng 18:7 Iomraidhean Croise

1. King 1:6

Nge Tafit saman we esap fokun apwüngü fän eu ren an epwe aisini pwota a föri ei sokun lapalap. Atonia a pwal eman mwän mi fokun äteöch, a uputiu mürin Apsalom.

1. King 16:31

A fen mecheres an epwe föri ekewe tipis ewe king Jeropoam a föriir, nge a pwal pwülüeni Isipel nöün Etpal we fefin, ewe kingen chon Siton. Iwe, a angang ngeni ewe anü Paal o fel ngeni.

1. Kronika 4:40

Ikenan ra küna enen nöür kewe pwiin sip mi fokun mürina, nge ewe fanü a pwal fokun wäwä, mosonoson me kinamwe. Iwe, chon ewe fanü me mwan ir mwirimwirin Ham.

Jeremaia 49:31

Oupwe ütä o maun ngeni chon eu mwü mi nonomöch o kinamwe. Ar telinimw esap wor asamalapen tittin ika amwöchün, ir echök ra imwüla. Ngang ewe Samol mi Lapalap üa kapas.

Nöün Paulus Toropwe ngeni ekewe Souläng lon Rom 13:3

Pun chokewe mi föri mine a mürina resap niuokusiti ekewe nöüwis, pwe chokewe chök ra föri mine a ngau. Ifa usun, oua mochen ämi ousap niuokusiti chokewe mi nemenem? Mürin oupwe föri mine a mürina, iwe, repwe mwareitikemi.

Josua 19:47

Nge lupwen ekewe chon Tan resap tongeni färelong lon ewe fanü, ra feitä o maun ngeni Lesem. Mürin ar liapeni ewe telinimw o niela chon, ra tolong o imweimw lon. Nge ra aita ngeni Lesem iten semelaper we Tan.

1. Petrus 2:14

pwal ngeni ekewe kepina, i a awiser pwe repwe apwüngü chokewe mi föföringau o aitöchü chokewe mi föri mine a mürina.

Pwärätä 18:7

Oupwe awora ngeni neminei chomong riaföü me letipeta, usun chök watten ewe ling a püsin alinga ngeni me ewe pwapwan fanüfan a awora ngeni. Pun a püsin ekieki lon letipan, ‘Ngang eman kiwin, üa mot won ai lenien mot! Ngang üsap eman fin lipichsefäl. Ngang üsap fokun tolong lon letipeta.’

Soukapwüng 18:29

Iwe, ra aita ngeni ewe telinimw Tan, iten mwirimwirin ar we lewo nöün Israel we. Nge iten ewe telinimw me mwan Lais.

Soukapwüng 18:6

Nge ewe souasor a üreniir, “Oupwe feila fän kinamwe. Ämi sai a nom fän emwenien ewe Samol mi Lapalap.”

Soukapwüng 18:8

Iwe, lupwen ekewe limman mwän ra liwiniti Sora me Estaol, aramaser kewe ra aisiniir, “Met pworausemi?”

1. Samuel 3:13

Pun üa fen üreni pwe iei üpwe apwüngü chon leimwan tori feilfeilachök, pokiten a silei ewe föföringau nöün kewe mwän ra turunufaseei ren, nge esap apwüngüür.