Soukapwüng 18:6 - Chuukese Bible

⁶ Nge ewe souasor a üreniir, “Oupwe feila fän kinamwe. Ämi sai a nom fän emwenien ewe Samol mi Lapalap.”

Soukapwüng 18:6 Iomraidhean Croise

1. King 22:12

Nge ekewe soufos meinisin ra pwal osuni iei chök usun o üra, “Kopwe feila Ramot-kiliat o liapeni. Ewe Samol mi Lapalap epwe ewinnok.”

1. King 22:15

Iwe, lupwen Mikaia a feito ren ewe king, ewe king a aisini, “Mikaia, ifa usun, aipwe feila Ramot-kiliat o maun ngeni, ika aisap?” Nge Mikaia a pälüeni, “Kopwe feila o maun ngeni ewe telinimw. Ewe Samol mi Lapalap epwe ewinnok.”

1. King 22:6

Iei mine ewe kingen Israel a amwichafengeni ekewe soufos, ina epwe ükükün föpükü mwän, o aisiniir, “Ifa usun, üpwe feila maun ngeni Ramot-kiliat, ika üsap?” Nge ir ra üra, “Kopwe feila o maun ngeni ewe telinimw, ewe Samol epwe ewinnok.”

Kölfel 33:18

Ewe Samol mi Lapalap a mamasa chokewe mi niuokusiti, pwal chokewe mi apilükülüküni an tong ellet,

Ekistos 4:18

Mürin, Moses a liwinla ren semen pwülüan itan Setiro o kapas ngeni, “Kose mochen kopwe mwüt ngeniei pwe üpwe liwinla ren aramasei mi nom Isip o pi ika ra chüen manau.” Iwe, Setiro a üreni Moses, “Kopwe feila fän kinamwe.”

Jeremaia 23:32

Oupwe aüselinga mine ngang ewe Samol mi Lapalap üa apasa: Nengeni, üa ü ngeni chokewe mi osuni ar tan mi chofana, chokewe mi apworausa ekewe tan o atoka nei kewe aramas ren ar kapas chofana me ar tunosikesik. Ngang üsap tinirela ika akünöör, iei mine resap fokun alisi ekei aramas. Ngang ewe Samol mi Lapalap üa kapas.”

Tuteronomi 11:12

pwal eu fanü ewe Samol mi Lapalap ämi we Kot a tümwünü. Iwe, mesan a nenengeni ewe fanü seni lepoputän eu ier tori lesopolan.

1. Tesalonika 3:11

Amwo Samach Kot me ach Samol Jesus epwe püsin wäsi alem, pwe aipwe tongeni feila remi.

Soukapwüng 18:5

Iwe, ra üreni, “Äm aia tüngoreek, kopwe aisini Kot pwe aipwe silei ika äm sai epwe fisiöch.”

Soukapwüng 18:7

Mürin, ekewe limman mwän ra feila o tori ewe telinimw Lais. Iwe, ra küna ekewe aramas mi nonom ikenan, pwe ra nom fän kinamwe usun chon Siton. Ra mosonoson, nge resap ekieki pwe eman epwe maun ngeniir, esap pwal wor och mine ra osupwang ren me won fanüfan, pun ra fokun pisekisek. Ra pwal küna pwe ra toau seni chon Siton, nge resap chiechi ngeni mwo eman.

1. Samuel 1:17

Mürin, Eli a üreni, “Kopwe feila fän kinamwe, ewe Koten Israel epwe ngonuk pälüen om tüngor.”