Soukapwüng 17:8 - Chuukese Bible

⁸ Ei mwän a feila seni Petleem lon Juta pwe epwe kütta eu leni ia a tongeni nonom ie. Nge lon an sai a tori imwen Maika lon chukuchukutän ewe fanü Efraim.

Soukapwüng 17:8 Iomraidhean Croise

Josua 24:33

Mürin, Eleasar nöün Aaron we mwän a mäla. Iwe, ra peiaseni lon Kipea ewe telinimw mi nom won chukuchukutän ewe fanü Efraim, ra ngeni Pineas nöün we mwän.

Soukapwüng 17:11

Iwe, ewe mwän seni ewe ainangen Lefi a tipeeu ngeni an epwe nom ren Maika. Nge ewe alüal a usun chök eman nöün kewe mwän me ren.

Soukapwüng 17:7

Iwe, a wor eman alüal seni Petleem lon Juta mi nom ren chon ewe ainangen Juta. Ätewe eman mwän seni ewe ainangen Lefi.

Soukapwüng 17:9

Iwe, Maika a aisini, “Ia ka feito me ie?” Nge ätewe a pälüeni, “Ngang eman mwän seni ewe ainangen Lefi seni Petleem lon Juta, nge üa siamüfetal pwe üpwe kütta eu leni ia üpwe tongeni nonom ie.”

Rut 1:1

Lon mwün ekewe soukapwüng a fis lengita lon ewe fanü Israel. Iwe, eman mwän seni Petleem lon ewe fanü Juta a feila pwe epwe nonom lon ewe fanü Moap, i me pwülüan me nöün kewe ruoman alüal.