Soukapwüng 17:6 - Chuukese Bible

⁶ Lon ekana fansoun esap wor eman king lon Israel. Eman me eman aramas a chök föri mine a pwüng me ren.

Soukapwüng 17:6 Iomraidhean Croise

Keneses 36:31

Ikkei ir ekewe king mi nemenem lon ewe fanü Etom, lupwen esamwo wor king mi nemenem lon Israel.

Kölfel 12:4

Ir chokewe mi apasa, “Sa win ren ach kapas, nge kapasen awach a alisikich. Iö epwe tongeni nemenikich?”

Än Salomon Fos 12:15

Eman mi tiparoch a ekieki pwe a pwüng lon an föför, nge eman mi tipachem a aüseling ngeni kapasen öüröür.

Än Salomon Fos 14:12

Eman aramas a tongeni ekieki pwe ewe al a fetal won a pwüng, nge lesopolan ewe al a ale ngeni mäla.

Än Salomon Fos 16:2

Eman aramas a ekieki pwe meinisin mine a föri a pwüng, nge ewe Samol mi Lapalap a apwüngü ekiekin letipan.

Än Salomon Afalafal 11:9

En alüal, kopwe pwapwa le alüalum, letipom epwe meseik lon fansoun om alüal. Kopwe chök föri mine letipom a tipeni o mesom a küna. Nge kopwe chechemeni pwe Kot epwe apwünguk ren om kewe föför meinisin.

Tuteronomi 12:8

Iwe, ousap föri usun mine oua föri me lom. Pun tori ikenai iteiten eman me eman a chök föri mine a pwüng me ren.

Tuteronomi 33:5

Ewe Samol mi Lapalap a kingen Jesurun, lupwen ekewe ainangen Israel me ar kewe souemwen meinisin ra chufengen.”

Soukapwüng 18:1

Iwe, lon ekana fansoun esap wor eman king lon Israel. Lon ena fansoun chon ewe ainangen Tan ra kütta eu fanü fän iter pwe repwe nonom lon, pun resap mwo angei fanüer me lein ekewe ainangen Israel.

Soukapwüng 19:1

Iwe, lon ena fansoun, lupwen esap wor eman king lon Israel, eman mwän seni ewe ainangen Lefi a wasöla won chukuchukutän ewe fanü Efraim mi toauala. Ätewe a angei eman ülüpwülüan seni Petleem lon Juta.

Soukapwüng 21:25

Iwe, lon ekana fansoun esap wor eman king lon Israel. Eman me eman aramas a chök föri mine a pwüng me ren.

Soukapwüng 21:3

Iwe, ra apasa, “Äm Samol mi Lapalap, Koten Israel. Pwota a fis ei sokun lapalap lon Israel? Pwota eu ainang esap chüen nom lon Israel ikenai?”