Soukapwüng 17:5 - Chuukese Bible

⁵ Ei mwän Maika a wor eu an lenien fel. Iwe, Maika a pwal föri echö üf itan efot me ekoch uluulun anün leimw o seikätä eman nöün kewe mwän pwe epwe souasor.

Soukapwüng 17:5 Iomraidhean Croise

Keneses 31:19

Nge lupwen Lapan a feila pwe epwe fichi ülen nöün kewe sip, Rahel a soläni nöün saman we uluulun anün leimw.

Keneses 31:30

Iwe, iei ka fen feila, pun ka fokun positi chon leimwen semom. Nge pwota ka soläni nei kewe uluulun anün leimw?”

1. King 12:31

Jeropoam a pwal aüetä lenien fel won ekewe leni mi tekia o filätä souasor me lein ekewe aramas meinisin, nge ir sap chon ewe ainangen Lefi.

1. King 12:32

Iwe, Jeropoam a pwal filätä eu ränin chulap lon engol me limuen ränin ewe awaluen maram, usun ewe ränin chulap mi fis lon Juta. Iwe, a asor won ewe rongen asor me lon Petel ngeni ekewe uluulun kow a püsin föri. A pwal anomu lon Petel ekewe souasor seni ekewe lenien fel won ekewe leni mi tekia i a föri.

Esra 1:7

Iwe, ewe king Sirus a pwal atowu ekewe pisek Nepukatnesar a angei seni imwen ewe Samol mi Lapalap lon Jerusalem me lom o anomu lon imwen an kewe kot.

Ekistos 24:5

Mürin a tinala alüal seni me lein ekewe aramasen Israel ra eäni asoren kek, ra pwal eäni asor ätemwänin kow pwe asoren kinamwe ngeni ewe Samol mi Lapalap.

Ekistos 28:15

Iwe, kopwe tei ewe chechen leupw pwe eu lenien pwärätä letipen Kot. Eman soutete epwe föri ei angang. Kopwe föri seni terech kolt me mangaku mi arauarau me parachol me parapar, pwal seni mangaku mi pwechepwech, usun chök ewe efot.

Ekistos 28:4

Ikkei ekewe pisek repwe tei: echö chechen leupw, echö üf itan efot, echö owokot, echö sööch mi pwechepwech o sikapoot, eu akkaw me efoch pelit. Iwe, repwe tei ekei üf mi pin fän iten Aaron pwiüm we me nöün kewe mwän, pwe repwe angang ngeniei lon wisen souasor.

Ekistos 29:9

kopwe pwal peliti ngeniir ekewe pelit o eimweimwa ngeniir ekewe akkaw. Ren pwüngün ei föför ir me mwirimwirir repwe wiseni wisen souasor tori feilfeilachök. Iei usun kopwe afeiöchü Aaron me nöün kewe mwän.

Aisea 44:13

Nge eman soufalafal a aükü ewe irä ren an selin aükük o akiänni ren efoch piin, a pwal siseli ren nöün sisel. Iwe, a alapalapa ewe irä ngeni uluulun eman aramas mi fokun äteöch o aütai lon eu imw.

Isikiel 21:21

Pun ewe kingen Papilon a üla lekeangen ekewe ruofoch al pwe epwe pwee. Iwe, a wichiki ewe lenien föün likapich, a aisini an kewe uluulun anümwäl o nengeni ammünün an mönün asor.

Isikiel 21:26

Iei aloi ngang Kot ewe Samol mi Lapalap: Repwe angei senuk filifilin mökürom, pwal ewe mwärin king. Mettoch meinisin repwe siwil. Chokewe mi tekison repwe tekia, nge chokewe mi tekia repwe tekison.

Osea 3:4

Iei usun chon Israel repwe nonom fansoun langatam, nge esap wor ar king ika nöür samol, resap asor, esap pwal wor ar ür mi pin, ar uluulun anümwäl me ar uluulun anün leimw.

Osea 8:14

Chon Israel ra aüetä imwen king, nge ra manlükala Ewe mi Föriir. Ekewe chon Juta ra achomonga ar kewe telinimw mi pöchökül tittir. Nge ngang üpwe tinala ekkei wor, epwe kenala ar kewe imwen king me ar kewe telinimw.”

Numperis 3:10

Iwe, kopwe awisa Aaron me nöün kewe mwän pwe repwe föri angangen wiser wisen souasor. Nge are eman me lükür epwe angelong lon ewe wis, epwe ninnila.”

Ipru 5:4

Esap wor eman a seikätä püsin i an epwe wiseni ewe wisen souasor mi lap. Nge Kot echök a seikätä eman aramas an epwe wiseni ewe wisen souasor mi lap, usun chök mine a fis ngeni Aaron.

Soukapwüng 17:4

Mürin, ätewe a aliwini ewe moni ngeni inan, nge neminewe a angei ruupükü föün moni silifer o ngeni eman chon föri pisek seni silifer. Ätewe a falei eu uluulun anümwäl o apachatä silifer won. Iwe, Maika a anomu lon imwan.

Soukapwüng 18:14

Mürin, ekewe limman mwän mi piin feila pwe repwe operi ewe fanü ünükün Lais ra üreni chiener, “Ifa usun, oua silei pwe lon eu ekei imw a wor echö efot, ekoch uluulun anün leimw me eu uluulun anü mi fal, a kapachetä silifer won? Iei mine oupwe ekieki mine oupwe föri.”

Soukapwüng 18:24

Nge Maika a pälüeniir, “Pwota oua fen aisiniei met ai osukosuk? Ämi oua angei ai kewe kot üa föriir me nei we souasor o süla far.”

Soukapwüng 18:30

Iwe, ekewe chon Tan ra aütai ewe uluulun anü mi fal pwe repwe fel ngeni, nge Jonatan me nöün kewe mwän pwal mwirimwirir ra souasor ngeni ewe ainangen Tan tori fansoun ar oola seni ewe fanü. Iwe, Jonatan nöün Kersom we mwän, nge Kersom nöün Moses mwän.

Soukapwüng 8:27

Iwe, Kition a föri seni ewe kolt echö üf itan efot o iseni lon an telinimw itan Ofra. Iwe, chon Israel meinisin ra likitala Kot o fel ngeni ewe efot ikenan. Ewe efot a pwal wiliti eu lenien likatup ngeni Kition me an famili.

1. Samuel 19:13

Mürin, Mikal a angei eu uluulun anün leimw o akonala won ewe peet, a anomu eu mangaku seni ülöülen kuuch won möküran o pwölüela fän echö chenikam.

1. Samuel 23:6

Iwe, lupwen Apiatar nöün Ahimelek we mwän a süla Keila ren Tafit, a uweela echö efot.