Soukapwüng 17:3 - Chuukese Bible

³ Iwe, lupwen ätewe a aliwini ekewe engeröü ipükü föün moni silifer ngeni inan, neminewe a üra, “Iei üa apini ai silifer fän iten ewe Samol mi Lapalap, pwe ewe anümamau esap küw nei ei. Eman epwe falei eu uluulun anümwäl o apachatä silifer won. Iei üpwe aliwini ngonuk ewe silifer.”

Soukapwüng 17:3 Iomraidhean Croise

2. Kronika 33:7

Manasa a föri eu uluulun anümwäl o anomu lon ewe imwenfel, iei ewe leni Kot a kapas usun ngeni Tafit pwal ngeni Salomon nöün we mwän, “Ei imwenfel me lon Jerusalem, iei ewe leni üa filätä seni lein lenien ekewe ainangen Israel meinisin, pwe aramas repwe fel ngeniei ie tori feilfeilachök.

Ekistos 20:23

Ousap föri kot seni silifer lüki, ousap pwal föri kot seni kolt fän itemi.

Ekistos 20:4

Kosap föri uluulun anümwäl fän itom, kosap pwal alapalapa och mettochun pekitä lon läng are och mettochun pekitiu won fanüfan are och mettochun lon lölön failol.

Ekistos 34:17

Ousap föri uluulun kot seni mächä fän itemi.

Aisea 30:22

Lon ena fansoun oupwe aücheangaua ämi uluulun anümwäl mi fal o pwölüpwöl ren silifer, pwal ämi uluulun anümwäl mi för seni mächä o pwölüpwöl ren kolt. Iwe, oupwe pöütirela usun chök mettoch mi limengau o apasa, “Aisap chüen mochen künakemi.”

Aisea 66:3

Nge eman mi niela eman kow fän iten asor, nge esap föri letipei, a usun chök eman mi niela eman aramas. Eman mi eäni asor eman sip a usun chök eman mi niela eman kolak. Iwe, eman mi uwato asoren mongö a usun chök eman mi eäni asor chan pik, nge eman mi keni apach mi pwokus a usun chök eman mi fel ngeni uluulun anümwäl. Iwe, ekana sokun aramas ra chök püsin filätä letiper, nge leluker a pwapwaiti ar föför mi anioput.

Jeremaia 10:8

Ir meinisin ra tiparoch o umwes. Pun ifa usun, repwe tongeni angei öüröürer seni uluulun anümwäl mi för seni mwüch?

Lifitikos 19:4

Ousap kul seniei o fel ngeni uluulun anümwäl, ousap pwal föri fän itemi uluulun kot seni mächä, pun ngang ewe Samol mi Lapalap ämi we Kot.

Johannes 16:2

Repwe atowukemi seni ar mwich lon ar kewe imwen felikis. Nge epwe war ewe fansoun lupwen chokewe mi nikemi repwe ekieki, pwe ar föför eu angang ngeni Kot.

Tuteronomi 12:3

Oupwe amökkätiu ar kewe rongen asor, oupwe atatakisi ar kewe ür mi pin o kenala ar kewe uluulun ewe anüfefin Asera. Oupwe pwal pöküetiu ar kewe uluulun anümwäl liosun ar kewe kot o amoola iter seni lon ewe leni.

Tuteronomi 27:15

‘A anümamau eman mwän mi föri eu uluulun anümwäl seni mwüch ika seni mächä o fel ngeni lemonomon, pun ei mettoch mi för ren pöün eman soufal a anioput me ren ewe Samol mi Lapalap.’ Nge ekewe aramas meinisin repwe apasa, ‘Amen.’

Soukapwüng 17:13

Iwe, Maika a üra, “Iei üa silei pwe ewe Samol mi Lapalap epwe afeiöchüei, pun a nom rei eman nei souasor seni ewe ainangen Lefi.”

Soukapwüng 17:2

Ätei a üreni inan, “Lon ewe fansoun eman a soläni senuk ekewe engeröü ipükü föün moni silifer, ngang üa rongorong pwe ka anümamaua ewe chon solä. Nengeni, ekewe föün moni silifer ra nom rei. Ngang üa angeer.” Mürin inan we a üreni, “Nei, kopwe feiöch me ren ewe Samol mi Lapalap.”

Soukapwüng 17:4

Mürin, ätewe a aliwini ewe moni ngeni inan, nge neminewe a angei ruupükü föün moni silifer o ngeni eman chon föri pisek seni silifer. Ätewe a falei eu uluulun anümwäl o apachatä silifer won. Iwe, Maika a anomu lon imwan.

Soukapwüng 18:30

Iwe, ekewe chon Tan ra aütai ewe uluulun anü mi fal pwe repwe fel ngeni, nge Jonatan me nöün kewe mwän pwal mwirimwirir ra souasor ngeni ewe ainangen Tan tori fansoun ar oola seni ewe fanü. Iwe, Jonatan nöün Kersom we mwän, nge Kersom nöün Moses mwän.

Soukapwüng 18:5

Iwe, ra üreni, “Äm aia tüngoreek, kopwe aisini Kot pwe aipwe silei ika äm sai epwe fisiöch.”