Soukapwüng 16:7 - Chuukese Bible

⁷ Nge Samson a üreni, “Are repwe föti ngeniei fufoch säl mi fö o ngüt, mürin üpwe apwangapwang usun chök aramas meinisin.”

Soukapwüng 16:7 Iomraidhean Croise

Än Salomon Fos 12:19

Kapas mi let repwe nonom tori feilfeilachök, nge kapas chofana repwe chök nonom lon fansoun mochomoch.

Än Salomon Fos 17:7

Kapas pöchökül esap fichiti eman chon tiparoch, nge kapas chofana esap fokun fichiti eman samol.

Nöün Paulus Toropwe ngeni ekewe Souläng lon Rom 3:8

Pwota chök ekoch aramas ra apasa, “Ousipwe föri mine a ngau, pwe epwe fisitä mine a mürina”? Ewer, ekoch aramas ra fen kapasingau usi ren ar atipisiei, pwe üa apasa ei sokun fos. Ir repwe küna kapwüng usun a fich ngeniir.

Kalatia 6:7

Ousap püsin atupukemi. Sisap tongeni urumwotei Kot. Pun mine eman aramas a fotuki, iei met epwe pwal kini.

Kolose 3:9

Ousap kapas chofona lefilemi, pun oua pwilitawu ewe manauen lom me föförün,

Soukapwüng 16:10

Iwe, Telila a üreni Samson, “Nengeni, ka turunufaseei o chofana ngeniei. Kose mochen kopwe pwäri ngeniei met eman a tongeni föti ngonuk.”

Soukapwüng 16:6

Iwe, Telila a üreni Samson, “Kose mochen kopwe pwäri ngeniei met popun a kon watte om pöchökül, pwal met ka tongeni föfö ren pwe eman epwe tongeni akufuk.”

Soukapwüng 16:8

Mürin, ekewe samolun Filistia ra uwato ren neminewe fufoch säl mi fö o ngüt, nge neminewe a föti Samson ren.

Soukapwüng 16:9

Iwe, a wor ekoch mwän mi op o witiwit lon ewe rum lukalapen imwen neminewe. Nge neminewe a köri Samson, “Samson, ekewe re Filistia repwe le turufuk.” Nge Samson a mwüti ekewe säl usun chök uput a mwü, lupwen ekkei a küri. Iei usun monomonen an pöchökül esap pwä.

1. Samuel 19:17

Saul a aisini Mikal, “Pwota ka atupuei o mwüt ngeni ewe chon oputaei pwe a sü seniei?” Nge Mikal a pälüeni, “A üreniei pwe epwe nieila, are üsap mwüt ngeni pwe epwe sü.”

1. Samuel 27:10

Nge lupwen Akis a ais, “Ia ka angei me ie liapom ikenai?”, Tafit a pälüeni, “Üa angei seni ewe fanü Nekep lon Juta,” ika “seni ewe Nekep fanüen ewe eterekesin Jeramel,” ika “seni ewe Nekep fanüen chon Ken.”