Soukapwüng 16:4 - Chuukese Bible

⁴ Mürin ekoch fansoun, Samson a sani eman fefin itan Telila mi nom lon ewe lemolun Sorek.

Soukapwüng 16:4 Iomraidhean Croise

1. King 11:1

Iwe, ewe king Salomon a sani chomong fin ekis. Lükün nöün Farao we föpwül a pwal pwülüeni fin Moap, fin Amon, fin Etom, fin Siton me fin Hit.

Nehemia 13:26

Üa üreniir, “Ifa usun, Salomon ewe kingen Israel esap tipis pokiten ena sokun fefin? Esap wor eman king usun i me lein kingen ekewe mwü meinisin. An Kot a fokun echeni o seikätä pwe epwe kingen Israel. Iei mwo ei, nge ekewe fin ekis ra tongeni emwenalong Salomon lon tipis.

Än Salomon Fos 22:14

Än eman fin lisowu kapas ra usun chök eu pwang mi alolol, ätewe ewe Samol mi Lapalap a song ngeni epwe turulong lon.

Än Salomon Fos 23:27

Pun eman fefin mi amömö inisin fän iten lisowu a wewe ngeni eu pwang mi alolol, nge eman fin lüangau a wewe ngeni eu chönüttu mi wäkükün lon.

Än Salomon Fos 26:11

Eman chon tiparoch mi liwiniti an föförün tiparoch a usun chök eman kolak mi enisefäli musan.

Än Salomon Fos 27:22

Are kopwe wichi eman mi tiparoch tori a arap ngeni mäla, iei mwo nge an tiparoch esap towu seni.

1. Korint 10:6

Iwe, ekei mettoch mi fis eu lenien awewe fän itach an epwe fönöökich, pwe sisap mochenia ngeni mettoch mi ngau usun ir ra föri,

Soukapwüng 16:3

Nge Samson a chök kon tori lukenipwin. Mürin a pwätä, a kamwöch asamalapen ewe telinimw me üran kewe ruofoch o üttiretä meinisin fiti lokkun. A iseniretä won afaran o uweeretä won ungen ewe chukutekison peliötiuen Hepron.

Soukapwüng 16:5

Iwe, ekewe samolun chon Filistia ra feito ren neminewe o üreni, “Kopwe echimwa Samson o kütta met popun a kon watte an pöchökül. Kopwe pwal kütta ren met aipwe tongeni turufi pwe aipwe tongeni föti o akufu. Mürin aipwe en me ngonuk engeröü ipükü föün moni silifer.”