Soukapwüng 16:16 - Chuukese Bible

¹⁶ Iwe, lupwen neminewe a arianikisi Samson rän me rän o echimwa, a mos ren pwe a mochen mäla.

Soukapwüng 16:16 Iomraidhean Croise

Hiop 21:4

Ifa usun, üa siö ngeni aramas? Pwota üpwe chök engila?

Sona 4:9

Iwe, Kot a aisini Sona, “Ifa usun, a pwüng om song ren ewe irä?” Nge Sona a pälüeni, “Mi pwüng ai song, inamwo are üpwe mäla lon ai song.”

Markus 14:24

Jesus a apasa, “Iei chai mi ninnila fänäsengesin chomong aramas, ei cha a anükünükü än Kot pwon ngenikich.

Lukas 11:8

Iwe, üpwe ürenikemi, pwe ikamwo ätewe esap pwätä pwe epwe ngonuk ewe pilawa pokiten en chiechian, nge epwe fen pwätä o ngonuk meinisin mine ka osupwang ren, pun kosap säw le tütüngormau ngeni.

Lukas 18:5

nge pokiten ei fefin mi mä pwülüan a chök osukosukaei, iei üpwe le alisi, pwe epwe pwäla an pwüng. Are üsap alisi, epwe chök sopwela le feito rei tori üpwe osukosuk ren.’”

Soukapwüng 14:16

Iei mine pwülüen Samson a kechü ngeni o üreni, “Ka chök oput ngang, kosap tongeei. Ka eäni eu asisil ngeni chon fanüei, nge kosap pwäri ngeniei wewen.” Samson a üreni neminewe, “Nengeni, üsap mwo nge pwäri ngeni semei ika inei. Pwota üpwe pwäri ngonuk?”

Soukapwüng 14:17

Iwe, neminewe a kechü ngeni Samson lon ükükün ekewe fisu ränin kametip. Nge lon ewe afisuen rän, Samson a pwäri ngeni wewen, pun neminewe a fokun echimwa. Mürin, neminewe a apworausa wewen ewe asisil ngeni chon fanüan kewe.

Soukapwüng 16:15

Mürin, Telila a üreni Samson, “Ifa usun om kopwe tongeni apasa pwe ka tongeei, nge lelukom a toau seniei. En ka turunufaseei fän ülüngat, nge kosap pwäri ngeniei popun om pöchökül.”

Soukapwüng 16:17

Mürin, Samson a pwäri ngeni Telila unusen monomonen lelukan o üreni, “Esap mwo fich mökürei fän eu, pun ngang eman Nasir, eu sokun aramas mi imwüla fän iten Kot seni ai uputiu. Are epwe fich mökürei, mürin ai pöchökül epwe sü seniei, nge üpwe apwangapwang usun chök aramas meinisin.”