Soukapwüng 15:6 - Chuukese Bible

⁶ Mürin, ekewe chon Filistia ra ais, “Iö a föri ei?” Nge ra pälüeni, “Samson, pwülüen nöün ewe re Timna, pun ra angei seni pwülüan we o apwüpwülüa ngeni chienan.” Iei mine ekewe re Filistia ra feito o kenala ewe fefin me saman we.

Soukapwüng 15:6 Iomraidhean Croise

Än Salomon Fos 22:8

Eman mi fotuki pwüngingau epwe kini feiengau, nge an ariaföüü aramas epwe müchüla.

1. Tesalonika 4:6

Iwe, ren ei lapalap esap wor eman mwän epwe föri och mi mwäl ngeni chiechian souläng ika föri angangen atuputup ngeni. Äm aia fen ürenikemi ei me mwan o aia fokun fönöü ngenikemi, pwe ach Samol epwe apwüngü chokewe mi föri ei sokun föför mi ngau.

Soukapwüng 12:1

Iwe, ekewe re Efraim ra kö pwe repwe feila maun. Ra feila pekilan ewe chanpupu Jortan ren Safon o üreni Jefta, “Pwota ka feila pekila o maun ngeni chon Amon, nge kosap kökkörikem pwe aipwe etuk? Aipwe kenukelong lon imwom.”

Soukapwüng 14:15

Nge lon arüanün rän ra üreni pwülüen Samson, “Kopwe echimwa pwülüom na pwe epwe pwäri ngenikem wewen ewe asisil. Nge are kosap, äm aipwe kenikemi me chon leimwen semom. Ifa usun, oua titi äm pwe aipwe feito ikei, pwe oupwe awöüngauakem?”

Soukapwüng 15:5

Nge lupwen a keni ekewe töl, a asüela ekewe foks pwe repwe süla lon än ekewe chon Filistia tanipin wiich resamwo pöküpök, pwe ekewe pilükün wiich me ewe wiich esamwo pöküpök ra karala, pwal ekewe tanipin olif.

Soukapwüng 15:7

Samson a üreniir, “Ika iei usun mine oua föri, üpwe pwon fän akapel pwe üsap ükütiu le afeiengauakemi tori üpwe wes le ngenikemi chappen ämi föför.”