Soukapwüng 15:5 - Chuukese Bible

⁵ Nge lupwen a keni ekewe töl, a asüela ekewe foks pwe repwe süla lon än ekewe chon Filistia tanipin wiich resamwo pöküpök, pwe ekewe pilükün wiich me ewe wiich esamwo pöküpök ra karala, pwal ekewe tanipin olif.

Soukapwüng 15:5 Iomraidhean Croise

2. Samuel 14:30

Mürin, Apsalom a üreni nöün kewe chon angang, “Nengeni, fanüen Joap a nom ünükün fanüei. Won fanüan a mär parli, oupwe feila o kenala.” Iei mine nöün Apsalom kewe chon angang ra kenala ekewe parli won fanüen Joap.

Ekistos 22:6

Nge are a wor eu kar mi küri iräfölüföl, pwe a ngeteri irän wiich mi pilük, ika irän wiich resamwo pöküpök, ika unusen eu tanipin wiich, ätewe mi popuetä ewe kar epwe liwinisefäli meinisin mine a karala.

Ekistos 23:11

Nge lon ewe afisuen ier ousap fotuki ewe fanü, nge oupwe likiti pwe ekewe chon mwelele me lein aramasemi repwe mongö seni mine a püsin pwükütä. Iwe, mine ir ra likiti, manmwacho repwe tongeni mongö. Iei usun oupwe pwal föri ren ämi tanipin irän wain me tanipin irä olif.

Soukapwüng 15:4

Iei mine Samson a feila o turufi ülüpükü foks, a pwal angei töl. Iwe, a fötifengeni iteiten mechen eman foks ngeni mechen eman o iseis efoch töl lefiler.

Soukapwüng 15:6

Mürin, ekewe chon Filistia ra ais, “Iö a föri ei?” Nge ra pälüeni, “Samson, pwülüen nöün ewe re Timna, pun ra angei seni pwülüan we o apwüpwülüa ngeni chienan.” Iei mine ekewe re Filistia ra feito o kenala ewe fefin me saman we.