Soukapwüng 15:12 - Chuukese Bible

¹² Iwe, ekewe re Juta ra üreni Samson, “Äm aia feitiu reöm pwe aipwe fötuk o atolongok lepöün chon Filistia.” Nge Samson a üreniir, “Oupwe pwon fän akapel ngeniei pwe ousap püsin nieila.”

Soukapwüng 15:12 Iomraidhean Croise

1. King 2:25

Iei mine ewe king Salomon a tinala Penaia nöün Jehoiata we mwän, pwe epwe niela Atonia. Iwe, Penaia a niela Atonia.

1. King 2:34

Iei mine Penaia a feila ren ewe imwenfel o niela Joap. Mürin ra peiaseni lon püsin peiasan lon ewe fanüapö.

Mateus 27:2

Ra föti ngeni sein o etekinala pwe repwe atolonga lepöün ewe kepina Pilatus.

Föför 7:25

Moses a ekieki pwe püsin aramasan repwe weweiti pwe Kot a mochen nöüni i pwe epwe angaseerela, nge ir resap wewe ren.

Soukapwüng 15:11

Mürin, ülüngeröü re Juta ra feitiu ren pwangen ewe achau lon Etam o üreni Samson, “Kosap silei pwe ekewe chon Filistia ra nemenikich? Met ei ka föri ngenikem?” Nge Samson a üreniir, “Usun mine ir ra föri ngeniei, iei usun ngang üa pwal föri ngeniir.”

Soukapwüng 15:13

Mürin, ekewe re Juta ra üreni, “Apwi, äm aipwe chök fötuk o atolongok lepöür, nge aisap niikela.” Iwe, ra föti Samson ren ruofoch säl mi fö o emwenato seni ewe achau.

Soukapwüng 8:21

Iwe, Sepa me Salmuna ra üreni Kition, “Kopwe püsin ütä o nikeemila. Pun a nom reöm pöchökülen eman mwän.” Iei mine Kition a ütä o niela Sepa me Salmuna, a pwal angei ekewe fout mi lapalapeni lapalapen epek maram, ra nom won üen nöür kamel.