Soukapwüng 14:4 - Chuukese Bible

⁴ Iwe, saman me inan resap silei pwe ei ekiek a feito seni ewe Samol mi Lapalap, pun a kütta och popun an epwe maun ngeni ekewe chon Filistia. Lon ena fansoun ekewe chon Filistia ra nemeni Israel.

Soukapwüng 14:4 Iomraidhean Croise

1. King 12:15

Iei usun ewe king esap aüselinga än ekewe aramas tüngor. Ei a fis me ren ewe Samol mi Lapalap, pwe epwe apwönüetä an kapas a eäni ngeni Ahia ewe re Silo fän iten Jeropoam nöün Nepat we mwän.

1. King 12:24

“Iei aloi ngang ewe Samol mi Lapalap: Ousap feila pwe oupwe maun ngeni pwimi kewe chon Israel. Oupwe liwiniti en me lenian, pun ei mettoch mi fis a feito seniei.” Iwe, ra aleasochisi alon ewe Samol mi Lapalap o liwiniti en me lenian.

2. King 6:33

Nge lupwen Elisa a chüen fos ngeni ekewe souakom, ewe king a war o üra, “Ei riaföü a feito seni ewe Samol mi Lapalap. Pwota üpwe chüen witiwit ngeni ewe Samol mi Lapalap, pwe epwe alisikem?”

2. Kronika 10:15

Iei usun ewe king esap aüselinga än ekewe aramas tüngor. Ei a fis me ren Kot, ewe Samol mi Lapalap, pwe epwe apwönüetä an kapas a eäni ngeni Ahia ewe re Silo fän iten Jeropoam nöün Nepat we mwän.

2. Kronika 22:7

Nge Kot a fen akota pwe än Ahasia feiengau epwe fis ren an feila äämwa Joram. Pun lupwen a tori Joram, a eti i le churi Jehu nöün Nimsi we mwän, ätei ewe Samol mi Lapalap a epiti pwe epwe arosala chon leimwen Ahap.

2. Kronika 25:20

Nge Amasia esap mochen rongorong. Pun ei a fis seni Kot, pwe epwe mwüt ngeni chon oputer pwe repwe akufuur, pun ra fel ngeni än chon Etom kewe kot.

Kölfel 115:3

Ach Kot a nom lon läng, i a chök föri mine a mochen.

Taniel 6:4

Mürin, ekewe nöüwis tekia me ekewe kepina ra kütta och mwälin lon än Taniel angang pwe repwe tongeni tip ngeni, nge resap tongeni küna och popun, pun Taniel a allükülük, nge esap wor mwälin ika tümwününgauan.

Tuteronomi 28:48

Iei mine ewe Samol mi Lapalap epwe tinato remi chon oputemi, pwe oupwe angang ngeniir fän echik me kaka, fän selela me osupwangen mettoch meinisin. Iwe, Kot epwe anomu won üemi efoch waas seni mächä tori epwe arosakemiila.

Josua 11:20

Pun ewe Samol mi Lapalap a aföreai leluker pwe repwe ü ngeni Israel lon maun. Ren ei ra atoto feiengau wor pwe ra fokun rosola, nge esap wor eman a ümöümöch ngeniir. Iei usun ewe Samol mi Lapalap a allük ngeni Moses.

Soukapwüng 13:1

Iwe, ekewe aramasen Israel ra pwal förisefäli mine a ngau me fän mesen ewe Samol mi Lapalap. Iei mine ewe Samol mi Lapalap a atolongeer fän nemenien ekewe chon Filistia lon ükükün faik ier.

Soukapwüng 14:5

Mürin, Samson a etatiu saman me inan lon Timna. Nge lupwen a tori ekewe tanipin wain me lon Timna, eman nienifön laion a müttir feito o wörüwör ngeni.

Soukapwüng 15:11

Mürin, ülüngeröü re Juta ra feitiu ren pwangen ewe achau lon Etam o üreni Samson, “Kosap silei pwe ekewe chon Filistia ra nemenikich? Met ei ka föri ngenikem?” Nge Samson a üreniir, “Usun mine ir ra föri ngeniei, iei usun ngang üa pwal föri ngeniir.”

Soukapwüng 15:3

Nge Samson a üreniir, “Lon ei otun esap tipisi are üpwe afeiengaua ekewe re Filistia.”