Soukapwüng 14:2 - Chuukese Bible

² Mürin a liwinla o üreni saman me inan, “Üa küna eman ekewe föpwülün Filistia me lon Timna. Iei oupwe tüngor ngeniei neminewe pwe üpwe pwülüeni.”

Soukapwüng 14:2 Iomraidhean Croise

Keneses 21:21

Iwe, lupwen a nonom lon ewe fanüapön Paran, inan we a angei eman pwülüan seni ewe fanü Isip.

Keneses 34:4

Iei mine Sikem a kapas ngeni Hamor saman we, “Kopwe tüngor ei föpwül pwe üpwe pwülüeni.”

Keneses 38:6

Iwe, Juta a kütta eman föpwül itan Tamar pwe pwülüen Er nöün we mwänichi.

2. King 14:9

Nge Jehoas ewe kingen Israel a tinala ei pworaus ren Amasia ewe kingen Juta, “Efoch iräfölüföl mi nom won Lepanon a tiitiila ren efoch setar won Lepanon o apasa, ‘Kopwe mwütätä noum föpwül pwe nei alüal epwe pwülüeni.’ Nge eman manmwacho a pwerela ren o purätiu ewe iräfölüföl.

Jeremaia 29:6

Oupwe pwüpwülü o nöünöü ät me nengin. Oupwe apwüpwülüa nöümi mwän me nöümi fefin, pwe ir repwe nöünöü ät me nengin. Oupwe achomongakemiila me ikenan, nge ousap chokükünüla.

Soukapwüng 14:1

Iwe, lon eu rän Samson a feitiu Timna, nge ikenan a küna eman lein ekewe föpwülün Filistia.

Soukapwüng 14:3

Nge saman me inan ra üreni, “Ifa usun, esap wor eman fefin me lein ekewe föpwül nöün märärum ika lein aramasach meinisin, ina kopwe feila o angei eman pwülüom seni ekewe chon Filistia resap sirkomsais?” Nge Samson a üreni saman, “Kopwe tüngor ngeniei neminewe, pun üa fokun sani.”