Soukapwüng 13:8 - Chuukese Bible

⁸ Mürin, Manoa a iotek ngeni ewe Samol mi Lapalap o üreni, “Ai Samol, üa tüngor ngonuk pwe kopwe mwüt ngeni ewe aramasen Kot, ka piin tinato, epwe liwinsefälito rem, pwe epwe aiti ngenikem mine aipwe föri ngeni ewe ät epwe uputiu.”

Soukapwüng 13:8 Iomraidhean Croise

Hiop 34:32

Kopwe aiti ngeniei mine üsap küna. Are üa föföringau, üsap chüen förisefäli.’

Föför 9:6

Iei kopwe ütä o feila lon ewe telinimw. Ikenan repwe ürenuk mine kopwe föri.”

Soukapwüng 13:11

Iwe, Manoa a ütä o tapwela mürin pwülüan we, a feito ren ewe mwän o aisini, “Ifa usun, en ewe mwän ka kapas ngeni pwülüei ei?” Nge i a üra, “Ewer, ngang.”

Soukapwüng 13:3

Iwe, nöün ewe Samol mi Lapalap chon läng a pwä ngeni ewe fefin o üreni, “Nengeni, kosap nöünöü, pun ka rit. Nge iei kopwe pwopwo o nöüni eman ät.

Soukapwüng 13:6

Mürin, ewe fefin a feila ren pwülüan o üreni, “Eman aramasen Kot a feito rei, nge won mesan a usun chök won mesen eman nöün Kot chon läng mi fokun eniwokus. Üsap aisini ia a feito me ie, nge i esap üreniei itan.

Soukapwüng 13:7

Iwe, a chök üreniei, ‘Kopwe pwopwo o nöüni eman ät. Iei mine seni ikenai kosap ün wain ika och sakau mi pwichikar, kosap pwal mongö och mi limengau. Pun ewe ät epwe eman Nasir, eu sokun aramas mi imwüla fän iten Kot seni an uputiu tori an mäla.’”

Soukapwüng 13:9

Iwe, Kot a aüselinga än Manoa iotek, pun nöün Kot we chon läng a liwinsefälito ren ewe fefin mi mot lemäl. Nge Manoa pwülüan we esap nom ren.