Soukapwüng 13:6 - Chuukese Bible

⁶ Mürin, ewe fefin a feila ren pwülüan o üreni, “Eman aramasen Kot a feito rei, nge won mesan a usun chök won mesen eman nöün Kot chon läng mi fokun eniwokus. Üsap aisini ia a feito me ie, nge i esap üreniei itan.

Soukapwüng 13:6 Iomraidhean Croise

Keneses 18:2

Iwe, lupwen a netä, a küna ülüman mwän ra ütä ekis toau seni. Nge lupwen a küneer, a mümütüla rer pwe epwe churiir. Iwe, a chapetiu lepwül

Keneses 32:29

Mürin, Jakop a tüngor ngeni ewe mwän, “Kose mochen kopwe asile ngeniei itom.” Nge i a pälüeni, “Pwota ka ais itei?” Iwe, a afeiöchü Jakop ikenan.

1. King 17:18

Iwe, neminewe a üreni Elias, “En aramasen Kot, pwota ka föri iei usun ngeniei? Ka feito pwe kopwe achema ngeni Kot ai kewe tipis pwe nei we ät a mäla.”

1. King 17:24

Iwe, ewe fefin a üreni Elias, “Iei üa silei pwe en eman aramasen Kot, nge alon ewe Samol mi Lapalap ka apasa a let.”

2. King 4:16

Elisa a üreni, “Lon ei otun mürin eu ier kopwe afiti eman ät.” Nge neminewe a üra, “Apwi, ai samol en aramasen Kot, kosap chofana ngeniei ngang noum chon angang fefin.”

2. King 4:9

Iwe, ewe fefin a üreni pwülüan we, “Üa mefi pwe ätei a sou pwepwereto ikei eman aramasen Kot mi pin.

Ekistos 3:2

Iwe, ewe chon läng nöün ewe Samol mi Lapalap a pwä ngeni Moses lon pulopulen ekkei seni lon efoch iräfölüföl. Lupwen Moses a neneloi, a mefi pwe ewe irä a pulopul, nge esap karala.

Ekistos 3:6

A pwal apasa, “Ngang än om kewe lewo Apraham, Isaak me Jakop we Kot.” Iwe, Moses a pwölü mesan, pun a niuokus an epwe nenengeni Kot.

Taniel 10:11

Iwe, ewe chon läng a üreniei, “Taniel, en eman mwän mi watte chenum me ren Kot. Kopwe ütä o aüselingöchü mine üpwe ürenuk, pun iei Kot a tinieito reöm.” Nge lupwen a kapas ngeniei, üa ütä fän chechech.

Taniel 10:5

Nge lupwen üa nenela, üa küna eman mwän a üföüf üf mi pwechepwech, nge ririn lukalapan a för seni kolt mi mürina.

Taniel 8:17

Mürin Kapriel a feito o ütä ünüki. Nge ngang üa fokun niuokus pwe üa chapetiu lepwül. Iwe, a üreniei, “Nöün aramas, kopwe weweiti pwe künaom we a pwärätä usun mine epwe fis lesopolan.”

Lukas 1:19

Iwe, ewe chon läng a pölüeni, “Ngang Kapriel, ewe mi ü mwen mesen Kot. Kot a tinieito pwe üpwe kapas ngonuk o asile ngonuk ei pworaus allim.

Lukas 9:29

Iwe, lupwen a iotek, wowoon won mesan a wilila, üfan kana ra molupolup o pwechela.

Föför 6:15

Iwe, chon ewe mwichen soupwüng meinisin ra newenewen ngeni Stefanus o küna pwe wowoon wonmesan a usun chök wowoon wonmesen eman chon läng.

Tuteronomi 33:1

Iei ewe kapasen feiöch Moses ewe aramasen Kot a afeiöchü ngeni ekewe aramasen Israel mwen an mäla.

1. Timoty 6:11

Nge en nöün Kot aramas, kopwe sü seni ekei mettoch meinisin. Kopwe fokun achocho ngeni om kopwe eäni pwüng, soulängöch, lükülük, chen, likitü me kirikiröch.

Josua 14:6

Lon eu rän ekoch re Juta ra feito ren Josua lon Kilkal. Iwe, eman me leir itan Kalep nöün Jefune we mwän, ewe re Kenis, a üreni Josua, “En ka silei mine ewe Samol mi Lapalap a üreni Moses ewe aramasen Kot me lon Kates-parnea usun en me ngang.

Pwärätä 1:17

Iwe, lupwen üa küna i, üa chapetiu arun pechen, nge üa usun chök eman aramas mi mäla. Mürin a wätä pöüifichin woi o apasa, “Kosap niuokus! Ngang ewe Aemanün me ewe Amüchülan.

Soukapwüng 13:10

Mürin, ewe fefin a müttir säla ren pwülüan we o üreni, “Nengeni, ewe mwän mi feito rei ponlon ewe a pwäsefäl ngeniei.”

Soukapwüng 13:22

Iwe, Manoa a üreni pwülüan we, “Sipwe fokun mäla, pun sa küna Kot.”

Soukapwüng 13:3

Iwe, nöün ewe Samol mi Lapalap chon läng a pwä ngeni ewe fefin o üreni, “Nengeni, kosap nöünöü, pun ka rit. Nge iei kopwe pwopwo o nöüni eman ät.

Soukapwüng 13:7

Iwe, a chök üreniei, ‘Kopwe pwopwo o nöüni eman ät. Iei mine seni ikenai kosap ün wain ika och sakau mi pwichikar, kosap pwal mongö och mi limengau. Pun ewe ät epwe eman Nasir, eu sokun aramas mi imwüla fän iten Kot seni an uputiu tori an mäla.’”

Soukapwüng 13:8

Mürin, Manoa a iotek ngeni ewe Samol mi Lapalap o üreni, “Ai Samol, üa tüngor ngonuk pwe kopwe mwüt ngeni ewe aramasen Kot, ka piin tinato, epwe liwinsefälito rem, pwe epwe aiti ngenikem mine aipwe föri ngeni ewe ät epwe uputiu.”

Soukapwüng 6:11

Mürin, nöün ewe Samol mi Lapalap chon läng a feito Ofra o mottiu fän ewe irä ook än Joas seni ewe eterekesin Apieser. Nge Kition nöün we mwän a wichiwich umwun wiich lon ewe lenien üchüch wain, pun a aopala seni chon Mitian.

1. Samuel 2:27

Iwe, eman aramasen Kot a feito ren Eli o üreni, “Iei alon ewe Samol mi Lapalap, ‘Üa püsin pwäriei ngeni om we lewo Aaron, lupwen i me chon leimwan ra nom Isip fän nemenemen Farao.

1. Samuel 9:6

Nge ewe chon angang a üreni Saul, “Nengeni, mi wor eman soufos lon ei telinimw, i eman mwän mi iteföüla. Meinisin mine a apasa a fisitä. Sipwe le feila ren. Eli a tongeni pwäri ngenikich ia sipwe tongeni küna ekewe aas me ie.