Soukapwüng 13:5 - Chuukese Bible

⁵ Nge lupwen noum ät a uputiu, kosap fichi möküran, pun ewe ät epwe eman Nasir, eu sokun aramas mi imwüla fän iten Kot seni an uputiu. Iwe, i epwe popuetä le angasa chon Israel seni chon Filistia.”

Soukapwüng 13:5 Iomraidhean Croise

2. Samuel 8:1

Iwe, mürin ekoch fansoun Tafit a maun ngeni ekewe chon Filistia, a akufuur o atolongeer fän nemenian. A angei Metek-ama seni fän nemenien ekewe chon Filistia.

1. Kronika 18:1

Iwe, mürin ekoch fansoun Tafit a maun ngeni ekewe chon Filistia, a akufuur o atolongeer fän nemenian. Iwe, a angei Kat me wisoposopun kewe seni fän nemenien ekewe chon Filistia.

Amos 2:11

Üa filätä ekoch me lein nöümi kewe mwän pwe repwe soufos, pwal ekoch me lein ekewe alüal pwe repwe Nasir. Ifa usun, esap iei usun, ämi chon Israel? Ngang ewe Samol mi Lapalap üa kapas.

Numperis 6:5

Iwe, ükükün ekewe rän meinisin a pwonen apinipin lon esap fichi möküran. Tori wesöchülan ekewe rän a püsin apini fän iten ewe Samol mi Lapalap, i epwe pin. Iwe, epwe apwükü möküran pwe epwe langatam.

Lukas 1:15

Epwe eman mwän mi lap mwen mesen ewe Samol. Esap tongeni ün wain are sakau, nge epwe ur ren Ngünmifel seni fansoun an uputiu.

Soukapwüng 16:17

Mürin, Samson a pwäri ngeni Telila unusen monomonen lelukan o üreni, “Esap mwo fich mökürei fän eu, pun ngang eman Nasir, eu sokun aramas mi imwüla fän iten Kot seni ai uputiu. Are epwe fich mökürei, mürin ai pöchökül epwe sü seniei, nge üpwe apwangapwang usun chök aramas meinisin.”

1. Samuel 1:11

A eäni eu pwon o apasa, “Ai Samol mi Unusen Manaman, kose mochen kopwe nenengeniei. Kopwe küna ai riaföü o chechemeniei, kosap manlükieila ngang noum chon angang fefin. Are ka mochen ngeniei eman ät, ngang üa pwon pwe üpwe ngonuk ewe ät lon ükükün ränin manauan meinisin, esap pwal fich möküran.”

1. Samuel 7:13

Iei usun ekewe chon Filistia ra kuf, nge resap chüen tolong lon fanüen chon Israel. Iwe, ewe Samol mi Lapalap a ü ngeni ekewe chon Filistia lon unusen ränin manauen Samuel.