Soukapwüng 13:4 - Chuukese Bible

⁴ Kopwe afäluk pwe kosap ün wain ika sakau mi pwichikar, kosap pwal mongö och mi limengau.

Soukapwüng 13:4 Iomraidhean Croise

Lifitikos 11:27

Iwe, ekewe man mi fetal won pöür me pecher, nge a chök wor kün aütür, repwe limengau ngenikemi. Eman mi atapa ekei man men mä epwe limengau.

Lifitikos 11:47

Ei allük a alefila lefilen mine a limengau ika limöch, pwal lefilen ekewe mönümanau aramas ra tongeni ochoch me ekewe resap tongeni ochoch.

Lukas 1:15

Epwe eman mwän mi lap mwen mesen ewe Samol. Esap tongeni ün wain are sakau, nge epwe ur ren Ngünmifel seni fansoun an uputiu.

Föför 10:14

Nge Petrus a üra, “Ai Samol, esap fokun öch ngeniei. Üsap fokun mwo nge mongö och mine a pin ngeniei o nom lon tettelin limengau.”

Soukapwüng 13:13

Nge nöün ewe Samol mi Lapalap we chon läng a üreni Manoa, “Pwülüom we epwe afäli meinisin mine üa üreni.

Soukapwüng 13:14

Esap tongeni mongö och mine a feito seni ewe irän wain ika ün wain ika sakau mi pwichikar, esap pwal mongö och mi limengau. Epwe tümwünü meinisin mine üa allük ngeni.”

Soukapwüng 13:7

Iwe, a chök üreniei, ‘Kopwe pwopwo o nöüni eman ät. Iei mine seni ikenai kosap ün wain ika och sakau mi pwichikar, kosap pwal mongö och mi limengau. Pun ewe ät epwe eman Nasir, eu sokun aramas mi imwüla fän iten Kot seni an uputiu tori an mäla.’”