Soukapwüng 12:6 - Chuukese Bible

⁶ ekewe re Kiliat ra üreni, “Kopwe apasa, ‘Shipolet.’” Nge are i a apasa, ‘Sipolet,’ pun esap tongeni anewenewaöchü ewe kapas, mürin ra turufi o niela arun petepeeten ewe chanpupu Jortan. Lon ena fansoun ra mäla faik me ruungeröü re Efraim.

Soukapwüng 12:6 Iomraidhean Croise

Kölfel 69:15

Kosap mwütätä pwe ekewe no repwe pwölüeila, kosap pwal mwüt ngeniei pwe üpwe kokotiu lon ewe lenien alolol, ika mwocholong lon peias.

Kölfel 69:2

Üa kokotiu lon pwakak mi alolol, esap wor ana ie üpwe ipwetiu ie. Üa nonom lon koluk mi alolol, nge ekewe no ra pwölüeila.

Än Salomon Fos 17:14

Ach popuetä eu anini a usun chök ach pwangeni eu epetin koluk, iei mine kopwe ükütiu mwen ewe anini epwe lapala.

Än Salomon Fos 18:19

Eman pwipwi mi fön letipan a weires ach sipwe liapeni, lap seni ach liapeni eu telinimw mi pöchökül. Nge kapasen anini ra pöchökül usun chök pöchökülen lokkun asamen imwen king.

Än Salomon Afalafal 10:12

Iwe, eman mi mirit a iteüöch ren an kapas, nge eman mi umwes a feiengau ren an kapas.

Aisea 27:12

Lon ena fansoun ewe Samol mi Lapalap epwe achufengeni nöün aramas eman ngeni eman seni ewe chanpupu Oifrat tori ewe öüwön Isip, usun eman a achufengeni föün wiich mürin an aimwüfeseni seni pön.

Mateus 12:25

Jesus a silei ar ekiek o üreniir, “Are eu mwü a kinikinfesen o fiufengen, ei mwü esap tongeni nonomola. Are chon eu telinimw ika eu famili repwe kinikinfesen o fiufengen lefiler, repwe parasfesen.

Mateus 26:73

Ekis chök fansoun mürin chokewe mi ü ikenan ra feito ren Petrus o üreni, “Enlet, en pwal eman lein ätekewe mi eti enan mwän, pun aia sillenuk ren ngingiimw le kapas.”

Markus 14:70

Nge Petrus a amamsefäl. Ekis chök fansoun mürin, chokewe mi üfeil arun ra pwal üreni Petrus, “Enlet, en eman ekewe chon kaiö, pun en pwal eman re Kalilea.”

Kalatia 5:15

Nge are oua usun manmwacho ren ämi küfengenikemi o ocheifengenikemi, oupwe tümwünükemi pwe ousap arosafengenikemi.

Soukapwüng 12:5

Iwe, ekewe re Kiliat ra liapeni petepeeten ewe chanpupu Jortan mwen ekewe re Efraim. Nge are eman lein ekewe re Efraim mi süsüfetal a feito o tüngor, “Oupwe mwüt ngeniei pwe üpwe feila pekila,” ekewe re Kiliat ra aisini, “Ifa usun, en eman re Efraim?” Iwe, lupwen a apasa, “Ap,”

Soukapwüng 12:7

Iwe, Jefta ewe re Kiliat a soukapwüng lon Israel lon ükükün wonu ier. Mürin, Jefta a mäla, nge ra peiaseni lon an we telinimw lon Kiliat.