Soukapwüng 12:5 - Chuukese Bible

⁵ Iwe, ekewe re Kiliat ra liapeni petepeeten ewe chanpupu Jortan mwen ekewe re Efraim. Nge are eman lein ekewe re Efraim mi süsüfetal a feito o tüngor, “Oupwe mwüt ngeniei pwe üpwe feila pekila,” ekewe re Kiliat ra aisini, “Ifa usun, en eman re Efraim?” Iwe, lupwen a apasa, “Ap,”

Soukapwüng 12:5 Iomraidhean Croise

1. King 11:26

Pwal Jeropoam nöün Nepat we mwän eman re Efraim seni Sereta a ü ngeni ewe king, i eman nöün Salomon kewe nöüwis, iten inan Serua, eman fefin mi mä pwülüan.

Josua 2:7

Iei mine nöün ewe king kewe chon künö ra tapwerirela won ewe al ngeni ewe chanpupu Jortan tori ekewe aropetepeetin ewe chanpupu. Nge lon ewe chök otun ekewe chon tap ra towu, ewe asamalap a kapüng.

Josua 22:11

Iwe, ekewe aramasen Israel ra rong pwe chon ekewe ainangen Rupen me Kat pwal ewe esopun ainangen Manasa ra senätä eu rongen asor lekiännin ewe fanü Kanaan lon Kelilot arun ewe chanpupu Jortan won ewe pekin fanüen aramasen Israel.

Soukapwüng 12:4

Mürin, Jefta a amwichafengeni ekewe re Kiliat meinisin, a maun ngeni chon Efraim o akufuur. Ekewe chon Efraim ra apasa, “Ämi chon Kiliat oua chök choisä seni Efraim me Manasa.”

Soukapwüng 12:6

ekewe re Kiliat ra üreni, “Kopwe apasa, ‘Shipolet.’” Nge are i a apasa, ‘Sipolet,’ pun esap tongeni anewenewaöchü ewe kapas, mürin ra turufi o niela arun petepeeten ewe chanpupu Jortan. Lon ena fansoun ra mäla faik me ruungeröü re Efraim.

Soukapwüng 17:7

Iwe, a wor eman alüal seni Petleem lon Juta mi nom ren chon ewe ainangen Juta. Ätewe eman mwän seni ewe ainangen Lefi.

Soukapwüng 3:28

Iwe, a üreniir, “Oupwe tapweto müri, pun ewe Samol mi Lapalapa atolonga ekewe chon Moap mi oputakemi fän nemeniemi.” Iei mine ra tapwetiu mürin o liapeni ekewe petepeeten ewe chanpupu Jortan, ia ekewe chon Moap ra pwepwer ie. Iwe, resap mwüt ngeni eman aramas pwe epwe pwerela pekila.

Soukapwüng 7:24

Iwe, Kition a tinala chon künö ren ekewe aramas mi nom lemenen ewe chukuchukutän Efraim, pwe repwe üreniir, “Oupwe feitiu o maun ngeni ekewe chon Mitian. Oupwe tokumweer o elliapa ekewe koluk tori Pet-para, pwal ewe chanpupu Jortan, pwe chon Mitian resap tongeni pwerela pekila.” Iei mine ekewe re Efraim meinisin mi kököto ngeni ewe maun ra feito o liapeni ekewe koluk tori Pet-para, pwal ewe chanpupu Jortan.

1. Samuel 1:1

Mi wor eman mwän lon Ramataim-sofim seni chukuchukutän ewe fanü Efraim itan Elkana nöün Jeroham we mwän, Jeroham nöün Elihu, Elihu nöün Tohu, nge Tohu nöün Suf seni ewe ainangen Efraim.