Soukapwüng 12:3 - Chuukese Bible

³ Iwe, lupwen üa küna pwe ousap alisiei, üa püsin fangala manauei o feila pekila pwe üpwe maun ngeni chon Amon. Nge ewe Samol mi Lapalap a atolongeer lepei. Pwota oua feito rei ikenai pwe oupwe maun ngeniei?”

Soukapwüng 12:3 Iomraidhean Croise

2. Kronika 13:12

Nengeni, Kot a etikem, i nöüm souemwen, nge nöün kewe souasor ra pwal nom rem fän ar kewe rappwa, pwe repwe ettiki ewe tikin asilesilen maun, pwe aipwe maun ngenikemi. Ämi aramasen Israel, ousap maun ngeni ewe Samol mi Lapalap än ämi kewe lewo we Kot, pun ousap tongeni win.”

Hiop 13:14

Ngang üa molotä pwe üpwe fangala manauei.

Kölfel 119:109

Üa fangala manauei pwe üpwe tolong lon feiengauen mäla fansoun meinisin, nge üsap manlükala om kewe allük.

Nöün Paulus Toropwe ngeni ekewe Souläng lon Rom 16:4

Ra amoleeretä pwe repwe ninnila fän itei. Üa fokun kilisou ngeniir, nge sap ngang chök, pwe pwal chon ekewe mwichefelin chon lükün Israel meinisin.

Pwärätä 12:11

Pwiich kewe ra akufu Satan ren chaan ewe Lam, ren ewe kapasen manau ra pwärätä, pwal ren ar mochen fangatä manauer pwe repwe mäla.

Soukapwüng 11:27

Iei mine üsap tipis ngonuk, nge en ka mwäl ren om maun ngeniei. Ewe Samol mi Lapalap, ewe Soukapwüng, epwe eäni kapwüng lefilen ekewe aramasen Israel me ekewe aramasen Amon.”

Soukapwüng 12:2

Nge Jefta a üreniir, “Äm me aramasei a wor äm koumfengen me chon Amon, nge lupwen üa körikemi, ämi ousap amanauaei seni lepöür.

Soukapwüng 12:4

Mürin, Jefta a amwichafengeni ekewe re Kiliat meinisin, a maun ngeni chon Efraim o akufuur. Ekewe chon Efraim ra apasa, “Ämi chon Kiliat oua chök choisä seni Efraim me Manasa.”

Soukapwüng 9:17

Oupwe chechemeni pwe semei a maun fän itemi, a fang manauan o amanauakemi seni chon Mitian.

1. Samuel 19:5

Pun a fangala manauan, lupwen a niela Koliat, nge ewe Samol mi Lapalap a afisi eu win mi lapalap fän iten chon Israel meinisin. En ka küna o fokun pwapwa ren. Pwota ka mochen tipis ngeni Tafit, eman mwän esap wor an tipis, ren om ekiekin niela, nge esap wor popun?”

1. Samuel 28:21

Iwe, lupwen ewe fefin a feito ren Saul, a küna pwe a fokun niuokus. A üreni, “Ngang noum chon angang fefin üa aleasochis ngonuk. Üa püsin fang manauei o aüselinga mine ka üreniei.