Soukapwüng 10:9 - Chuukese Bible

⁹ Iwe, ekewe chon Amon ra pwal pwereto pekiton ewe chanpupu Jortan, pwe repwe pwal maun ngeni chon ekewe ainangen Juta, Peniamin me Efraim. Iei mine chon Israel ra fokun riaföü.

Soukapwüng 10:9 Iomraidhean Croise

2. Kronika 14:9

Iwe, Sera ewe re Itiopia a tolong lon Juta fiti eu mwichen sounfiu ükükün eu million mwän me ülüpükü woken, pwe epwe maun ngeni Asa. Iwe, a tori Maresa.

2. Kronika 15:5

Lon ekewe fansoun esap wor eman aramas a tongeni saifetal fän kinamwe, pun chon ekewe fanü meinisin ra nonom lon osukosuk me fitikoko watte.

Tuteronomi 28:65

Nge lupwen oupwe nom lein chon ekewe mwü, ousap kinamwe, esap pwal wor lenien asösö ia oua tongeni nom ie. Ikenan ewe Samol mi Lapalap epwe ngenikemi eu lelukniuokus, meseattong me ekilolilen.

Soukapwüng 10:10

Mürin, ekewe aramasen Israel ra siö ngeni ewe Samol mi Lapalap o apasa, “Äm aia tipis ngonuk, pun aia likitukela, en äm Kot, o angang ngeni ekewe anü Paal.”

Soukapwüng 10:8

mi aweiresiir o ariaföüür lon ena fansoun. Iwe, lon ükükün engol me walu ier ra ariaföüü ekewe aramasen Israel meinisin mi nom ötiuen ewe chapupu Jortan lon Kiliat ewe fanüen chon Amor.

Soukapwüng 11:4

Iwe, mürin eu fansoun, a fis pwe chon Amon ra maun ngeni chon Israel.

Soukapwüng 2:15

Iteiten fansoun, lupwen chon Israel ra feila maun, ewe Samol mi Lapalap a ü ngeniir o akufuur, usun a fen pwon fän akapel ngeniir. Iwe, ra fokun riaföü.

Soukapwüng 6:2

Nge chon Mitian ra fokun nemenemengau ngeniir. Iei mine ekewe aramasen Israel ra opolong lon ekewe pwang mi nom won ekewe chuk, lon ekewe föimw, pwal lon ekewe leni mi pöchökül.

1. Samuel 13:6

Nge lupwen ekewe sounfiun Israel ra küna pwe ra oleelim, pun ra fokun nom lechach, ra op lon föimw, lon pwang, fän achau, lon ekewe nas pwal lon ekewe chönüttu.

1. Samuel 28:15

Mürin, Samuel a aisini Saul, “Pwota ka aosukosukaei ren om awaraeito?” Nge Saul a üra, “Ngang üa nom lon riaföü watte. Pun ekewe chon Filistia ra maun ngeniei, nge Kot a kul seniei, esap pwal chüen pälüeniei ren ekewe soufos ika ren tan. Iei mine üa köruketo pwe kopwe üreniei mine üpwe föri.”