Soukapwüng 10:13 - Chuukese Bible

¹³ Nge oua chök likitieila o angang ngeni pwal ekoch kot. Iei mine üsap chüen amanauakemi.

Soukapwüng 10:13 Iomraidhean Croise

1. Kronika 28:9

Nge en Salomon nei mwän, kopwe lükü än semom we Kot, kopwe pwal angang ngeni ren unusen lelukom me mochenin letipom. Pun ewe Samol mi Lapalap a etittina letip meinisin o weweiti iteiten akot me ekiek. Are ka kul ngeni Kot, i epwe etiwok, nge are ka likitala i, i epwe pöütukela tori feilfeilachök.

2. Kronika 12:5

Mürin, ewe soufos Semaia a feila ren Rehopoam me ekewe samolun Juta mi chufengen lon Jerusalem, pokiten ra sü me mwen Sisak. Iwe, a üreniir, “Iei alon ewe Samol mi Lapalap ngenikemi: Ämi oua pöütieila, iei mine üa asechikemiilong lepöün Sisak.”

2. Kronika 15:2

A towu seni ewe telinimw pwe epwe churi Asa. Iwe, a üreni, “Oupwe aüselingaei, Asa me chon Juta me Peniamin meinisin. Ewe Samol mi Lapalap a etikemi, lupwen oua eti i. Are oua kütta i, oupwe küna, nge are oua pöütala i, epwe pöütikemiila.

2. Kronika 21:10

Iei usun chon Etom ra ütä, nge resap chüen nom fän nemenien Juta tori ikenai. Lon ewe chök fansoun Lipna a pwal ütä won mwün, pun Jehoram a likitala ewe Samol mi Lapalap än an kewe lewo we Kot.

Jeremaia 2:13

Pun nei aramas ra föri ruu tipis: Ra likitieila, ngang ewe puächen kolukun manau, nge ra tuw chönüttu fän iter, sokun chönüttu mi sangang, esap tongeni mwöch koluk lor.

Jeremaia 2:19

Püsin om kewe föföringau repwe apwünguk, nge om kul seniei epwe atipisuk. Kopwe mefi pwe a ingau o weires ngonuk om kopwe likitieila, ngang ewe Samol mi Lapalap om we Kot. Esap wor menini me reöm. Ngang ewe Samol mi Lapalap, ewe Kot mi Unusen Manaman üa kapas.”

Sona 2:8

Iwe, chokewe mi fel ngeni uluulun anümwäl mi lomotongau ra likitukela, en echök mi tongeni ümöümöch ngeniir.

Tuteronomi 32:15

Nge Jesurun a kitinupula o rochongau, a kitinupula, a wattela o misimis. Mürin a likitala Kot ewe mi föri, a turunufasei ewe Achau an Chon Amanau.

Soukapwüng 10:14

Oupwe feila o siö ngeni ekewe kot oua filiretä. Ir repwe amanauakemi lon fansoun ämi riaföü.”

Soukapwüng 2:12

Ra likitala ewe Samol mi Lapalap än ar kewe lewo we Kot mi emwenirewu seni ewe fanü Isip. Ra pwal popuetä le fel ngeni pwal ekoch kot än ekewe aramas mi nom ünükür. Ren ei ra asonga ewe Samol mi Lapalap.

Soukapwüng 2:19

Nge iteiten fansoun, lupwen eman soukapwüng a mäla, ekewe aramas ra kulsefäl o föföringau lap seni semelaper kewe. Ra angang ngeni pwal ekoch kot o fel ngeniir. Iwe, resap fokun mochen likitala ar föför mi ngau ika ükütiu le tipeförea.