Soukapwüng 10:12 - Chuukese Bible

¹² pwal ekewe chon Siton, chon Amalek me chon Maon ra ariaföüükemi me lom, oua siö ngeniei. Ifa usun, ngang üsap angasakemiiwu seni fän nemenier?”

Soukapwüng 10:12 Iomraidhean Croise

Keneses 14:7

Mürin ra kul o liwinsefäliti En Mispat, a pwal iteni Kates. Ra liapeni unusen ewe fanüen chon Amalek me chon Amor mi nom lon Hasason Tamar.

1. Kronika 4:41

Iwe, lon mwün Hiskia ewe kingen Juta, ekei aramas a fen mak iter ra feito, ra maun ngeni ekewe mwirimwirin Ham o ataela imwer imwen ekewe chon Meun mi nom ikenan. Ra aroserela meinisin, iei mine esap chüen wor mwirimwirir tori ikenai. Iwe, ra lenieni lenier, pun ikenan a wor enen nöür kewe pwiin sip.

Soukapwüng 3:13

Eklon a amwichato ren ekewe chon Amon me chon Amalek. Ra feila maun ngeni chon Israel o akufuur. Ra liapeni ewe telinimw Jeriko, ia a wor irä palm ie.

Soukapwüng 6:3

Pun iteiten fansoun ekewe chon Israel ra fotuki föün irä, ekewe chon Mitian, chon Amalek me ekewe aramas mi nom ötiu ra feito o maun ngeniir.