Soukapwüng 1:22 - Chuukese Bible

²² Iwe, chon ekewe ainangen Efraim me Manasa ra pwal feila maun ngeni Petel, nge ewe Samol mi Lapalap a etiir.

Soukapwüng 1:22 Iomraidhean Croise

Keneses 49:24

Nge om likapich a mei. Poum ra fokun lifech ren pöün än Jakop we Kot mi Manaman, ra pöchökül ren iten ewe Chon Mas, ewe Achauen Israel.

2. King 18:7

Iei mine ewe Samol mi Lapalap a eti Hiskia, nge meinisin mine Hiskia a föri a fisiöch. Iwe, a ü ngeni ewe kingen Asiria, esap pwal angang ngeni.

1. Kronika 7:29

Nge ekewe mwirimwirin Manasa ra imweimw lon Pet-sean, Tanak, Mekito me Tor, pwal lon ekewe telinimw mi nom ünükür. Iwe, ikei ekewe telinimw ekewe mwirimwirin Josef nöün Israel we mwän ra imweimw lon.

Numperis 1:10

nge seni mwirimwirin Josef kewe: Elisama nöün Amihut mwän seni ewe ainangen Efraim, pwal Kamaliel nöün Petasur mwän seni ewe ainangen Manasa,

Numperis 1:32

Seni nöün Josef kewe mwän, ekewe mwirimwirin Efraim, ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.

Josua 14:4

Pun ekewe mwirimwirin Josef ra ruu ainang, ekewe ainangen Manasa me Efraim. Nge chon ewe ainangen Lefi resap angei eu kinikin me lon ewe fanü, pwe ra chök angei telinimw pwe repwe imweimw lon fiti ekewe fanü ünükür fän iten nöür man.

Josua 8:12

Iwe, Josua a angei ina epwe ükükün limungeröü mwän o anomuur lon eu lenien op pelilotoun ewe telinimw lefilen Petel me Ai.

Pwärätä 7:8

seni ewe ainangen Sepulon engol me ruungeröü, seni ewe ainangen Josef engol me ruungeröü, seni ewe ainangen Peniamin engol me ruungeröü.

Soukapwüng 1:19

Ewe Samol mi Lapalap a eti ekewe chon Juta, pwe ra liapeni ewe fanü mi chukuchukutä o fanüeni. Nge resap tongeni asüela aramasen lon ewe maasies, pun a wor war woken seni mächä.

Soukapwüng 1:21

Nge chon ewe ainangen Peniamin resap asüela ekewe chon Jepus mi imweimw lon Jerusalem. Iei mine ekewe chon Jepus ra nonomfengen lon Jerusalem me chon ewe ainangen Peniamin tori ikenai.

Soukapwüng 1:23

Ra tinala ekoch mwän pwe repwe operi Petel mi iteni Lus me lom.