Soukapwüng 1:19 - Chuukese Bible

¹⁹ Ewe Samol mi Lapalap a eti ekewe chon Juta, pwe ra liapeni ewe fanü mi chukuchukutä o fanüeni. Nge resap tongeni asüela aramasen lon ewe maasies, pun a wor war woken seni mächä.

Soukapwüng 1:19 Iomraidhean Croise

Keneses 39:2

Nge ewe Samol mi Lapalap a eti Josef pwe a fisiöch an angang meinisin. Iwe, a nonom lon imwen an samol ewe re Isip.

Keneses 39:21

Nge ewe Samol mi Lapalap a eti Josef o eäni kirikiröch ngeni, pwe a küna ümöümöch me ren ewe chon nemeni ewe imwen fötek.

2. Samuel 5:10

Nge Tafit a pöpöchökülela, pun Kot ewe Samol mi Unusen Manaman a eti.

2. King 18:7

Iei mine ewe Samol mi Lapalap a eti Hiskia, nge meinisin mine Hiskia a föri a fisiöch. Iwe, a ü ngeni ewe kingen Asiria, esap pwal angang ngeni.

Kölfel 46:11

Ewe Samol mi Unusen Manaman a etikich, än Jakop we Kot i ach lenien op mi pöchökül.

Kölfel 46:7

Ewe Samol mi Unusen Manaman a etikich, än Jakop we Kot i ach lenien op mi pöchökül.

Kölfel 46:9

A aükätiu maun won unusen fanüfan, a kupi ekewe likapich o pwülü ekewe siles, a fisi ngeni ekkei ekewe wokenin maun.

Kölfel 60:12

Are Kot a etikich, kich sipwe win, i epwe akufu chon oputakich.

Än Salomon Afalafal 9:11

Iwe, üa pwal küna och lapalap won fanüfan: Eman mi müttir le kitir esap tongeni win fansoun meinisin, nge eman mi pwora esap pwal wiwin chök lon maun. Iwe, eman mi mirit a tongeni osupwang ren anan mongö, nge eman mi tipachem esap pwal pisekisek chök. Iwe, sap meinisin mi silelap repwe tolong lon wis tekia, nge a chök tongeni fis ngeniir lupwen a tori fansoun.

Aisea 41:10

Iwe, kosap niuokus, pun ngang üa etuk, kosap pwal apilüküngau, pun ngang om Kot. Üpwe apöchökülok, üpwe pwal alisuk. Üpwe fokun tümwünuk o amanauok.

Aisea 7:14

Iei mine ewe Samol mi Lapalap epwe püsin ngenikemi eu asisil. Nengeni, eman föpwül epwe pwopwo o nöüni eman ät, nge epwe aita ngeni Emanuel .

Aisea 8:10

Oupwe pwüngüpwüngfengen, nge ousap fokun pwäk ngeni och. Oupwe pwal apwüngala och, nge esap fokun fis, pun Kot ailem.

Mateus 1:23

“Nengeni, eman föpwül epwe pwopwo o nöüni eman ät, repwe aita ngeni Imanuel, wewen ‘Kot a nonom rech.’”

Nöün Paulus Toropwe ngeni ekewe Souläng lon Rom 8:31

Iwe, met sipwe tongeni apasa ren ekei mettoch? Are Kot a penikich, iö epwe tongeni pölüenikich?

Filipi 4:13

Meinisin a ki ngeniei ren Kraist ewe mi atufichiei.

Josua 1:5

Esap wor eman epwe tongeni ü ngonuk lon ränin manauom meinisin. Usun üa eti Moses, iei usun üpwe pwal etuk. Üsap tümwününgau ngonuk, üsap pwal likituk.

Josua 1:9

Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”

Josua 14:12

Iei mine kopwe ngeniei ewe fanü mi chukuchukutä, ewe Samol mi Lapalap a fen pwon ngeniei lon ewe ränin. Ka pwal rong lon ewe fansoun pwe ekewe mwirimwirin Anak ra nom ikenan, nge ar kewe telinimw ra watte o pöchökül tittir. Eli ewe Samol mi Lapalap epwe etiei pwe üpwe asürela, usun a fen apasa.”

Josua 6:27

Iei usun ewe Samol mi Lapalap a eti Josua, iwe, an iteüöch a chöfetal lon unusen ewe fanü.

Josua 7:12

Iei mine ekewe aramasen Israel resap tongeni pwora ngeni chon oputeer. Ra sü me mwer, pun ir ra püsin atoto feiengau wor. Üsap chüen etikemi, tori oupwe ataela ekewe mettoch mi pin ngenikemi.

Soukapwüng 1:2

Iwe, ewe Samol mi Lapalap a pälüeni, “Chon ewe ainangen Juta repwe feila. Ngang üa mwüt ngeniir pwe repwe fanüeni ewe fanü.”

Soukapwüng 4:13

a titi wan kewe woken meinisin ükükün tiupükü woken seni mächä, pwal nöün sounfiu meinisin mi nom fän nemenian, pwe repwe feila seni Haroset-hakoim tori ewe chanpupu Kison.

Soukapwüng 4:3

A wor ükükün tiupükü wän Sisera woken mi för seni mächä. Iwe, a fokun ariaföüü chon Israel lon ükükün rüe ier. Mürin, ekewe chon Israel ra siö ngeni ewe Samol mi Lapalap pwe epwe alisiir.

1. Samuel 18:12

Iwe, Saul a niuokusiti Tafit, pun ewe Samol mi Lapalap a eti Tafit, nge a likitala i.

1. Samuel 18:14

Iwe, a fisiöch än Tafit angang meinisin, pun ewe Samol mi Lapalap a eti.

1. Samuel 18:5

Iwe, a fisiöch än Tafit angang ekis meinisin ia Saul a tinala ie. Iei mine Saul a seikätä pwe epwe eman chon nemeni sounfiu. Ei akot ekewe aramas me nöün Saul kewe meilapen sounfiu ra fokun tipeeu ngeni.