Sona 4:8 - Chuukese Bible

⁸ Nge lupwen akkar a tötä, Kot a tinato och asepwäl mi pwichikar seni ötiu. Iwe, akkar a pwichiti möküren Sona pwe a fokun aiengau. Iwe, a tüngor pwe epwe mäla. A pwal apasa, “A mürina ai üpwe mäla mwen ai üpwe manau.”

Sona 4:8 Iomraidhean Croise

Keneses 41:6

Mürin ra pwal pwüküwu füumw üän wiich, nge ra pön o pwas ren asepwälin ötiu.

1. King 19:4

Lupwen Elias a feila lon ewe fanüpö ükükün toauen sain eu rän, a tori efoch irä, a mottiu fan o älälei an epwe mäla. Iwe, a iotek, “Ai Samol mi Lapalap, a kon naf ngeniei ai weires, kopwe angei seniei manauei, pun ngang üsap mürina seni ai kewe lewo.”

1. King 21:4

Iwe, Ahap a liwiniti imwan fän chou me song pokiten än Napot kapas ngeni pwe esap mwüt ngeni fanüan me won an kewe lewo. Iwe, a konola won an peet o kulu ngeni etip, esap pwal mochen mongö.

Hiop 2:10

Nge Hiop a üreni pwülüan we, “En ka aloni alon fineumwes. Ifa usun, sipwe chök akangei ach feiöch me ren Kot, nge sisap pwal angei ach feiengau?” Lon ekei feiengau meinisin Hiop esap tipis ren an apasa och mi mwäl.

Hiop 7:15

pwe üpwe filätä ai üpwe kak o mäla, lap seni ai üpwe chök riaföü ren samaun inisi.

Kölfel 121:6

Akkar esap afeiengauok lerän, nge maram esap afeiengauok lepwin.

Kölfel 39:9

Üa fanafanala, üsap tongeni kapas, pun en ewe mi atolongaei lon ei riaföü.

Än Salomon Afalafal 7:9

Kosap songokai, pun song a nom lon letipen chon umwes.

Än Salomon Köl 1:6

Ousap nenengeniei, pun ngang üa liechochol pokiten akkar a acholaei. Iwe, nöün inei kewe mwän ra song ngeniei. Ra awisaei pwe üpwe tümwünü ekewe tanipin wain, nge püsin tanipii üsap tümwünü.

Aisea 49:10

Resap echik are kaka, nge pwichikaren lon fanüapö me akkar resap pwichitiir, pun ätewe mi tongeer epwe emwenirela ngeni puächen koluk.

Isikiel 19:12

Nge eman a üttätä ewe irän wain fän an song o aturala won pwül. Iwe, asepwälin ötiu a eniti pwe a pwasala, uan ra mworomworotiu, nge palan kewe mi pöchökül ra pwasala o kekila ren ekkei.

Osea 13:15

Inamwo ika Israel epwe mämäritä usun ekewe wowo, üpwe tinato eu asepwälin ötiu, epwe enito seni ewe fanüapö. Epwe amorätä an kewe puächen koluk me an kewe chönüttu. Aramas repwe angei fän pöchökül an kewe pisek aüchea meinisin seni an we lenien iseis.

Lifitikos 10:3

Mürin, Moses a üreni Aaron, “Iei usun wewen mine ewe Samol mi Lapalap a apasa: Üpwe pwärätä pwe ngang üa pin me lein chokewe ra kan ngeniei, nge üpwe pwal alinga ai ling fän mesen aramas meinisin.” Iwe, Aaron a chök fanafanala.

Sona 1:17

Iwe, ewe Samol mi Lapalap a akünöü eman ik mi watte pwe epwe oromala Sona. Iwe, Sona a nonom lon upwen ewe ik lon ükükün ülüngat rän me ülüngat pwin.

Sona 1:4

Nge ewe Samol mi Lapalap a tinato eu asepwäl mi pöchökül won matau. Iwe, ewe sip a arap ngeni an epwe ta ren watten ewe mölümöl.

Sona 4:3

Iei mine, ai Samol mi Lapalap, üa fokun tüngor ngonuk pwe kopwe angei seniei manauei, pun üa efich ai üpwe mäla mwen ai üpwe manau.”

Sona 4:9

Iwe, Kot a aisini Sona, “Ifa usun, a pwüng om song ren ewe irä?” Nge Sona a pälüeni, “Mi pwüng ai song, inamwo are üpwe mäla lon ai song.”

Mateus 20:12

Ra apasa, ‘Ekei mwän mi tolong le sopolan ra chök angang lon ükükün eu awa, nge äm aia angang weires fän akkar lon unusen eu rän, nge ka chök anönnöü liwiniir me liwinim.’

Pwärätä 3:19

Üa apwüngü o amiriti chokewe meinisin üa tongeer. Iei mine kopwe achocho o aier seni om tipis.

Pwärätä 7:16

Resap chüen echik ika kaka, akkar esap chüen pwichitiir, nge och pwichikar esap toriir.

1. Samuel 3:18

Iei mine Samuel a apworausa ngeni meinisin, nge esap tukumala och seni. Nge Eli a apasa, “Nemen chök ewe Samol mi Lapalap. Epwe föri mine a öch me ren.”