Sona 3:9 - Chuukese Bible

⁹ Eli Kot epwe siwili an ekiek o likitala an song mi fokun watte, pwe sisap mäfeiengau?”

Sona 3:9 Iomraidhean Croise

2. Samuel 12:22

Iwe, Tafit a üra, “Üa öchüna enei o kechü, lupwen ewe mönükol a chüen manau, pun üa ekieki, ‘Io a tongeni silei, ika ewe Samol mi Lapalap epwe ümöümöch ngeniei, pwe ewe mönükol epwe manau?’

Kölfel 106:45

A chechemeni an pwon fän äsengesiir, lon an tong ellet mi lapalap a liamamala ren mine a föri ngeniir.

Kölfel 85:3

Ka aükätiu om lingeringer ngeniir o wes seni om song mi fokun lapalap.

Kölfel 90:13

Ai Samol mi Lapalap, kopwe kul ngenikem. Ifa ükükün fansoun kopwe song ngenikem? Kopwe tongei noum kewe chon angang.

Jeremaia 26:13

Iei mine oupwe siwili ämi kewe lapalap me ämi kewe föför o aleasochis ngeni alon ewe Samol mi Lapalap ämi we Kot, mürin ewe Samol mi Lapalap epwe siwili an ekiekin afeiengauakemi usun a fen apasa.

Taniel 4:27

Iei mine ai king, kose mochen kopwe tipeeu ngeni ai kapas. Kopwe aier seni om tipis o eäni föförün pwüng, kopwe pwal ekieksefäl seni om föföringau o eäni tong ngeni chon riaföü. Ren ei, om nonomöch epwe soposopola.”

Amos 5:15

Oupwe oput mine a ngau o efich mine a pwüng. Oupwe eäni wenechar me lon kapwüng. Eli Kot ewe Samol mi Unusen Manaman epwe ümöümöch ngeni chokewe mi chüen manau me lein chon Israel.

Sona 1:15

Mürin ra angei Sona o aturätiu lematau. Iwe a lüala won matau.

Sona 1:6

Iwe, ewe pölü a tötiu ren, a föngüni o apasa, “Pwota ka anutochou? Kopwe pwätä o köri koten fanüom pwe epwe alisikich. Eli epwe tongeekich pwe sisap feiengau.”

Sona 4:2

Mürin a iotek ngeni ewe Samol mi Lapalap o apasa, “Ai Samol mi Lapalap, ifa usun, sap iei usun mine üa apasa pwe kopwe föri, lupwen üa chüen nonom won fanüei? Iei popun ai süla Tarsis, pun üa silei pwe en eman Kot mi ümöümöch o lukpwetete, ka pwal songomang o tongotam. Iwe, üa pwal silei pwe ka tipemecheres le siwili om ekiekin afeiengaua aramas kana.

Sefanaia 2:3

Oupwe kütta ewe Samol mi Lapalap, ämi meinisin mi tipetekison me lon ewe fanü, ämi mi aleasochis ngeni an kewe allük. Oupwe föri mine a pwüng o atekisonakemi. Eli oua tongeni sü seni ewe apwüng lon ränin än ewe Samol mi Lapalap lingeringer.

1. Samuel 6:5

Oupwe föri uluulun pwoomi me uluulun ekewe nakich mi ataela ewe fanü. Iwe, oupwe meniniti ewe Koten Israel, eli epwe ükütiu le afeiengauakemi, pwal ämi kewe kot me fanüemi.