Sona 3:8 - Chuukese Bible

⁸ Nge aramas tori man meinisin repwe üföüf üf seni tuk. Aramas meinisin repwe kechü ngeni Kot fän leüömong. Ewer, eman me eman epwe likitala an lapalap mi ngau me an föför esepwüng.

Sona 3:8 Iomraidhean Croise

Hiop 16:17

Iei mwo met a fis, nge üsap föri och föförün mwäneson, ai iotek a limöch.

Hiop 36:10

A suki selinger ngeni kapasen amirit o allük ngeniir pwe repwe kul seni ar föföringau.

Aisea 58:6

Nge iei ei sokun echikefel üa tipeni: Kopwe apichala ririn chokewe mi fötek fän pwüngingau. Kopwe angasa chon riaföü me ren aramas o kupi iteiten waas mi chou won afarer.

Aisea 59:6

Iwe, türünier tür resap lomot ngeni üf, aramas resap tongeni üföüf. Ar angang angangen föföringau chök, nge pöür ra chök föri föförün chon mwänewüs.

Jeremaia 18:11

Iei mine kopwe üreni ekewe re Juta me chon Jerusalem, ‘Iei alon ewe Samol mi Lapalap: Nengeni, üpwe awarato feiengau ngenikemi o ekiekin ü ngenikemi. Ämi meinisin oupwe kul seni ämi föför mi ngau o siwili alemi me ämi kewe föför.’

Jeremaia 25:5

Ir ra ürenikemi, ‘Oupwe kul seni ämi kewe lapalap mi ngau me ämi kewe föför mi ngau, pwe oupwe sopwela le nonom lon ewe fanü ewe Samol mi Lapalap a ngenikemi me ämi kewe lewo pwe oupwe fanüeni tori feilfeilachök.

Jeremaia 26:3

Eli repwe rongorong o kul seni ar kewe lapalap mi ngau, pwe ngang üpwe siwili ai ekiekin afeiengaueer üa ekiekin föri ngeniir pokiten ar kewe föför mi ngau.

Jeremaia 36:3

Eli ika chon Juta repwe rongorong usun ekewe feiengau meinisin üa ekiekin föri ngeniir, repwe kul seni ar föför mi ngau. Mürin, ngang üpwe amusala ar föföringau me tipis.”

Isikiel 33:11

Iwe, kopwe üreniir: Mwo manauei, aloi ngang Kot ewe Samol mi Lapalap, üsap pwapwaiti mälan eman chon föföringau, nge üa mochen pwe ewe chon föföringau epwe kul seni an tipis o manau. Ämi chon Israel, oupwe ükütiu seni ämi föföringau. Pun pwota oua mochen mäla?

Taniel 4:27

Iei mine ai king, kose mochen kopwe tipeeu ngeni ai kapas. Kopwe aier seni om tipis o eäni föförün pwüng, kopwe pwal ekieksefäl seni om föföringau o eäni tong ngeni chon riaföü. Ren ei, om nonomöch epwe soposopola.”

Sowel 1:14

Oupwe apini eu rän pwe oupwe echikefel lon, oupwe pwal körato aramas pwe epwe wor eu mwich mi pin. Oupwe achufengeni ekewe ätemirit me chon Juta meinisin, pwe repwe feito lon imwenfelin ewe Samol mi Lapalap ämi we Kot o siö ngeni.

Sona 1:14

Iei mine ra siö ngeni ewe Samol mi Lapalap, “Äm Samol mi Lapalap, aia tüngor ngonuk, kose mochen kosap afeiengaua manauem are aipwe angei manauen ätei, nge kosap pwal liwini ngenikem tipisin äm aipwe afeiengaua eman are esap tipis. Pun en, Samol mi Lapalap, ka föri mine ka efich.”

Sona 1:6

Iwe, ewe pölü a tötiu ren, a föngüni o apasa, “Pwota ka anutochou? Kopwe pwätä o köri koten fanüom pwe epwe alisikich. Eli epwe tongeekich pwe sisap feiengau.”

Mateus 3:8

Oupwe föri sokun föför epwe pwärätä pwe oua aier seni ämi tipis.

Föför 26:20

Üa afalafal akom lon Tamaskus me Jerusalem, mürin lon unusen fanüen ekewe chon Juta, pwal lein ekewe chon lükün Israel, pwe repwe aier seni ar tipis o kul ngeni Kot, pwe repwe föri sokun föför mi pwärätä pwe ra ekieksefäl.

Föför 3:19

Oupwe ekieksefäl o kul ngeni Kot, pwe ämi tipis epwe mola,

Pwärätä 11:3

Iwe, üpwe tinala nei kewe ruoman chon pwärätä mi üföüf üf seni tuk, repwe arongafeili än Kot kapas lon ekewe engöröü ruopükü wone rän.”