Sona 2:9 - Chuukese Bible

⁹ Nge ngang üpwe kölün kilisou ngonuk, üpwe asor ngonuk o föri mine üa eäni pwon ngonuk. Pun en chök, ai Samol mi Lapalap, ka tufichin angasaei.”

Sona 2:9 Iomraidhean Croise

Keneses 35:3

Mürin, ousipwe ütä o feila Petel pwe üpwe senätä eu rongen asor fän iten ewe Kot a aüselingaei lon ränin ai riaföü, a pwal etiei ekis meinisin ia üa feila ie.”

2. Samuel 15:7

Iwe, mürin rüanü ier, Apsalom a üreni ewe king, “Kose mochen mwüt ngeniei ai üpwe feila Hepron pwe üpwe apwönüetä ai pwon üa eäni ngeni ewe Samol mi Lapalap.

Hiop 22:27

Kopwe iotek ngeni, nge i epwe aüselingok, kopwe pwal föri pwüngün om kewe pwon.

Kölfel 107:22

Repwe pwal eäni asoren kilisou ngeni o apworausa an kewe föför lon kölün pwapwa.

Kölfel 27:1

Ewe Samol mi Lapalap i ai saram me ai Chon Amanau. Üsap niueiti eman. Ewe Samol mi Lapalap a tümwünüei seni feiengau, üsap fokun niuokus.

Kölfel 3:8

Ewe Samol mi Lapalap a angasala aramas mi nom lon weires. Om feiöch epwe nom won noum aramas.

Kölfel 50:14

Ämi kilisou epwe ina ämi asor ngeni Kot. Oupwe apwönüetä ämi kewe pwon oua eäni ngeni Ewe mi Unusen Manaman.

Kölfel 50:23

Eman mi kilisou ngeniei ina an asor ngeniei. Ren ei a asamoluei, nge eman mi aleasochisiei üpwe fokun amanaua.”

Kölfel 68:20

Ach Kot eman Kot mi amanauakich, Kot ewe Samol a angasakich seni mäla.

Kölfel 95:2

Ousipwe feito fän mesan fän kilisou, ousipwe mweireir fän pwapwa ngeni Kot ren kölün mwareiti i.

Aisea 45:17

Nge chon Israel ra küna manau esemüch ren ewe Samol mi Lapalap. Resap küna säw are itengau tori feilfeilachök.

Jeremaia 33:11

kölün mweireir me kölün pwapwa, apwapwan mongön apwüpwülü, pwal mwelien chokewe mi köl, lupwen ra uwato ar asoren kilisou lon imwei. Iwe, repwe apasa, ‘Ousipwe kilisou ngeni ewe Samol mi Unusen Manaman, pun i a kirikiröch, an tong ellet a nom tori feilfeilachök.’ Pun ngang üpwe aliwini wöün ewe fanü usun me mwan. Ngang ewe Samol mi Lapalap üa kapas.”

Osea 14:2

Oupwe liwiniti ewe Samol mi Lapalap o eäni ei iotek ngeni, “Kopwe amusala äm kewe tipis meinisin o etiwakem fän om ümöümöch, pwe aipwe mwareituk usun äm aia fen pwon.

Johannes 4:22

Ämi chon Samaria oua fel ngeni iö ousap silei, nge äm chon Juta aia fel ngeni iö aia silei, pun manau a pop seni chon Juta.

Föför 4:12

Aramas repwe küna manau ren Jesus chök. Pun esap fokun wor pwal eu it won fanüfan Kot a ngeni aramas, pwe sipwe küna manau ren.”

Nöün Paulus Toropwe ngeni ekewe Souläng lon Rom 12:1

Iei mine üa pese ngenikemi, ämi pwii kana, pokiten watten än Kot ümöümöch ngenikich, pwe oupwe fangala inisimi pwe eu asor mi manau o pin fän iten än Kot angang o i epwe pwapwa ren. Iei usun pwüngün ämi fel ngeni Kot.

Tuteronomi 23:18

Kosap uwato liwinin eman fin lisowu ika liwinin eman mwän mi lisowu lon imwen ewe Samol mi Lapalap om we Kot pwe liwinin om pwon, pun ekei sokun aramas ra anioput me ren ewe Samol mi Lapalap om we Kot.

Ipru 13:15

Iei mine ousipwe mwareiti Kot fansoun meinisin pwe iei ach asor ngeni ren Jesus. Iei ewe asor sia eäni ren tinawach, lupwen sia pwärätä pwe Jesus ach Samol.

Pwärätä 7:10

Iwe, ra kökkö ren mwelier mi leüömong, “Sia küna manau me ren ach we Kot, ewe mi mot won ewe lenien motun king, pwal me ren ewe Lam.”

1. Samuel 12:21

Ousap angang ngeni ekewe anümwäl mi lomotongau, resap tongeni afeiöchükemi ika amanauakemi, pun ra lomotongau.