Sona 2:6 - Chuukese Bible

⁶ Üa kokotiu tori lepopun chuk kana, üa tori eu fanü asaman ra lokola tori feilfeilachök. Iwe, nge en, Samol mi Lapalap ai Kot, ka efieita seni epin fanüfan o amanauaei.

Sona 2:6 Iomraidhean Croise

Hiop 33:24

epwe ümöümöch ngeni o üreni, ‘Kopwe angasa ätei seni an tolong lon peias. Üa küna och penmanauan.

Hiop 33:28

A angasa manauei seni ai tolong lon peias, üa künasefäli saram.’

Kölfel 104:6

Ka pwölüela fanüfan ren matau mi alolol usun ren echö üf, ekewe koluk ra nom asen ekewe chuk,

Kölfel 104:8

Ra pula won ekewe chuk o putiu lon ekewe lemol ngeni ewe leni en ka amolätä fän iter.

Kölfel 116:3

Ekewe likatupun mäla ra pwelieila, ekewe feiengauen lenien sotup ra toriei, üa uren riaföü me niuokus.

Kölfel 143:7

Ai Samol mi Lapalap, kopwe müttir le pälüeniei, pun üa fokun apilükingau. Kosap aopa mesom seniei, pwe üsap wewe ngeni chokewe mi tolong lon ewe lenien sotup.

Kölfel 16:10

Pun en ka tümwünüei seni manamanen mäla, kosap pwal mwüt ngeni noum we mi pin pwe epwe mwöch lon peias.

Kölfel 18:5

Ekewe feiengauen lenien sotup ra pwelifeiliei, ekewe likatupun mäla ra mochen säreei.

Kölfel 30:3

Ai Samol mi Lapalap, ka angeeitä seni peias. Üa fetal ngeni ewe lenien sotup, nge en ka amanauaei.

Kölfel 30:9

“Met sokun win kopwe angei, are üpwe mäla o tolong lon peias? Ifa usun, chon mäla repwe tongeni mwareituk? Ifa usun, repwe tongeni apworausa usun om allükülük?

Kölfel 55:23

Nge en, ai Kot, kopwe aturätiu lon ewe lenien sotup ekewe chon nimanauei aramas me ekewe chon atuputup mwen esamwo tori esopun manauer. Nge ngang üpwe anomu ai apilükülük womw.

Kölfel 65:6

Ren om pöchökül ka anüküchara ekewe chuk, pun ka pwärala om manaman.

Kölfel 69:2

Üa kokotiu lon pwakak mi alolol, esap wor ana ie üpwe ipwetiu ie. Üa nonom lon koluk mi alolol, nge ekewe no ra pwölüeila.

Aisea 38:10

Üa ekieki pwe leoloasen ränin manauei üpwe mäla, üpwe fokun tolong lon asamen lenien sotup, pwe ränin manauei esap chüen wor.

Aisea 38:17

Ellet, ren watten ai riaföü üa küna feiöch, pun lon om chen ka efieitä seni lon ewe pwangen feiengau. Nge ai kewe tipis meinisin ka pöütala lükisökurum.

Aisea 40:12

Iö a tongeni aükü lölön lematau lon pöün, ika aükü kiännin läng ren eangen pöün? Iö a tongeni achufengeni pwülün won fanüfan lon eu sepi ika kiloni ekewe chukutekia me ekewe chukutekison won eu kilo?

Isikiel 26:20

Üpwe pöütukela lon lenien sotup ren ekewe armasen lom, üpwe pwal anomuk leutun fanüfan lon ekewe leni mi tala seni me lom, pwe kopwe nonom ren chokewe ra fen feitiu lon lenien sotup. Ina usun kosap chüen so, esap pwal chüen wor leniom lon fanüen chon manau.

Isikiel 31:14

Iei mine esap chüen wor efoch irä mi mär ünükün ekewe koluk epwe tekiatä, pwe ülün epwe tori lein ekewe kuchu. Esap pwal chüen wor irä mi pöchökül ünükün ekewe koluk repwe üwenewenetä o tekia. Pun ir meinisin repwe mäla, repwe feitiu leutun fanüfan ren ekewe somä ren chokewe mi fen feitiu lon lenien sotup.”

Apakuk 3:10

Ekewe chuk ra künok o chechech, üt a püngümongetiu seni läng. Ewe matau mi alolol a pwotä, nge nonoon kewe ra püngümong.

Apakuk 3:6

Lupwen Kot a ütä, fanüfan a chechech, lupwen a nenefetal, chon ekewe mwü ra chechech. Ekewe chuk mi nom seni chök lom ra tatakis, ekewe chukutekison minen lomlom ra kokotiu. An kewe al ra nom seni fansoun esepop.

Mateus 16:18

Iei mine üpwe ürenuk Petrus: En eu achau. Iwe, ei achau iei ewe longolong üpwe aüetä ai mwichefel won, nge mäla esap mwo nge tongeni akufu.

Tuteronomi 32:22

Pun eu ekkei a ngetenget ren ai song, epwe küri epin lenien sotup, epwe kenala fanüfan me mine a mär won, epwe pwal keni longolongun ekewe chuk.