Sona 2:2 - Chuukese Bible

² “Üa köruk, ai Samol mi Lapalap, lon ai riaföü, iwe, ka aüselingaei. Üa siö ngonuk seni lon lenien sotup, nge ka rongorong mweliei.

Sona 2:2 Iomraidhean Croise

2. Kronika 33:12

Nge lupwen Manasa a nom lon riaföü, a tüngor pwe ewe Samol mi Lapalap än an kewe lewo we Kot epwe ümöümöch ngeni, a pwal fokun atekisonätiu me fän mesan.

Kölfel 116:3

Ekewe likatupun mäla ra pwelieila, ekewe feiengauen lenien sotup ra toriei, üa uren riaföü me niuokus.

Kölfel 120:1

Üa siö ngeni ewe Samol mi Lapalap lon ai riaföü, nge i a pälüeniei,

Kölfel 16:10

Pun en ka tümwünüei seni manamanen mäla, kosap pwal mwüt ngeni noum we mi pin pwe epwe mwöch lon peias.

Kölfel 22:24

Pun Kot esap aliwini eman mi mwelele ika oput eman mi nom lon riaföü. Esap amona mesan seni, nge a pälüeni, lupwen a siö ngeni.

Kölfel 34:6

Ewe chon mwelele a siö, nge ewe Samol mi Lapalap a aüselinga o amanaua i seni an weires meinisin.

Kölfel 4:1

Ai Kot, en mi pwüng, kopwe pälüeniei, lupwen üa kökö. Ka fen angasaeila, lupwen üa nom lon riaföü. Kopwe ümöümöch ngeniei o aüselinga ai iotek.

Kölfel 61:2

Üa kökköruk seni lesopun fanüfan, lupwen üa apilükingau. Kopwe emweniei ngeni ewe achau mi tekia seniei.

Kölfel 65:2

pun en ka aüselinga iotek. Aramas meinisin repwe feito reöm

Kölfel 86:13

Pun om we tong ellet a fokun lapalap ngeniei, ka amanauaei seni epin lenien sotup.

Aisea 14:9

Lenien sotup a mwökütüküt pwe epwe etiwok lupwen kopwe war, ngünün ekewe mi samol won fanüfan repwe pwätä pwe repwe kapong ngonuk, nge chokewe mi king repwe ütä seni ar lenien motun king.

Kölün kechü 3:55

Ai Samol mi Lapalap, üa kökköri itom seni epin ewe pwang.

Isikiel 26:20

Üpwe pöütukela lon lenien sotup ren ekewe armasen lom, üpwe pwal anomuk leutun fanüfan lon ekewe leni mi tala seni me lom, pwe kopwe nonom ren chokewe ra fen feitiu lon lenien sotup. Ina usun kosap chüen so, esap pwal chüen wor leniom lon fanüen chon manau.

Isikiel 31:14

Iei mine esap chüen wor efoch irä mi mär ünükün ekewe koluk epwe tekiatä, pwe ülün epwe tori lein ekewe kuchu. Esap pwal chüen wor irä mi pöchökül ünükün ekewe koluk repwe üwenewenetä o tekia. Pun ir meinisin repwe mäla, repwe feitiu leutun fanüfan ren ekewe somä ren chokewe mi fen feitiu lon lenien sotup.”

Mateus 12:40

Pun usun Sona a nom lon luken ewe ik mi watte lon ükükün ülüngat rän me ülüngat pwin, iei usun Nöün Aramas epwe nom leutun fanüfan lon ükükün ülüngat rän me ülüngat pwin.

Lukas 11:10

Pun iö a tütüngor epwe angei och, iö a küküt epwe wor künaan, nge iö a fichifich epwe wor asam mi suk ngeni.

Lukas 22:44

Lon an nom lon riaföü watte a achocho le iotek, nge mononan a usun chök supun cha a suputiu le pwül.

Föför 2:27

Pun en kosap likitieila lon lenien ekewe mi mäla, kosap pwal mwüt ngeni Noumw we mi Pin epwe mach inisin lon peiasan.

Ipru 5:7

Lon fansoun än Jesus manau won fanüfan, a iotek o tüngor fän mwelian mi leüömong, a pwal kechü ngeni Kot, ewe mi tongeni amanaua i seni mäla. Iwe, Kot a aüselinga i, pun a meniniti i.

1. Samuel 1:16

Kosap ekieki pwe ngang noum chon angang fefin eman mi manauangau, pun lon unusen ei fansoun üa iotek lon ai weires me riaföü mi lapalap.”

1. Samuel 30:6

Iwe, Tafit a fokun riaföü, pun ekewe aramas ra ekiekin monei ngeni fau, pokiten ir meinisin ra letipengau ren nöür kewe mwän me fefin mi oola. Nge leluken Tafit a pöchökülsefäl ren ewe Samol mi Lapalap an we Kot.