Sona 1:6 - Chuukese Bible

⁶ Iwe, ewe pölü a tötiu ren, a föngüni o apasa, “Pwota ka anutochou? Kopwe pwätä o köri koten fanüom pwe epwe alisikich. Eli epwe tongeekich pwe sisap feiengau.”

Sona 1:6 Iomraidhean Croise

2. Samuel 12:22

Iwe, Tafit a üra, “Üa öchüna enei o kechü, lupwen ewe mönükol a chüen manau, pun üa ekieki, ‘Io a tongeni silei, ika ewe Samol mi Lapalap epwe ümöümöch ngeniei, pwe ewe mönükol epwe manau?’

Ester 4:16

“Kopwe feila o achufengeni ekewe chon Juta mi nom lon Susa o echikefel fän itei. Ousap mongö ika ün lerän me lepwin lon ükükün ülüngat rän. Nge ngang me nei chon angang fefin aipwe pwal echikefel usun ämi. Mürin üpwe feila ren ewe king, inamwo ika üpwe purätiu ewe allük. Iwe, ika üpwe mäla, üpwe chök mäla.”

Kölfel 107:6

Mürin, ra siö ngeni ewe Samol mi Lapalap lon ar weires, nge i a angaseer seni ar riaföü.

Kölfel 78:34

Nge lupwen Kot a niela ekoch me leir, ekewe mi chüen manau ra kütta i. Ra ekieksefäl o tiliken le iotek ngeni.

Aisea 3:15

Pwota chök oua puri nei aramas o angei ämi feiöch seni ekewe chon wöüngau? Ngang Kot ewe Samol mi Unusen Manaman üa kapas.”

Isikiel 18:2

“Pwota oua äkeäni ei sokun mwiitun lon ewe fanü Israel, ‘Samasam kana ra ochoch uän irän wain mi mmwäl, nge ngin nöür kana ra kop ren?’

Sowel 2:11

Iwe, ewe Samol mi Lapalap a kökkö fän leüömong me mwen an mwichen sounfiu. Ewer, an mwich a fokun watte, nge iteiter mi aleasochisi an kapas ra pwora. Iwe, ränin ewe Samol mi Lapalap a fokun eniwokus. Iö a tongeni pwäk le nonom lon?

Amos 5:15

Oupwe oput mine a ngau o efich mine a pwüng. Oupwe eäni wenechar me lon kapwüng. Eli Kot ewe Samol mi Unusen Manaman epwe ümöümöch ngeni chokewe mi chüen manau me lein chon Israel.

Sona 3:8

Nge aramas tori man meinisin repwe üföüf üf seni tuk. Aramas meinisin repwe kechü ngeni Kot fän leüömong. Ewer, eman me eman epwe likitala an lapalap mi ngau me an föför esepwüng.

Sona 3:9

Eli Kot epwe siwili an ekiek o likitala an song mi fokun watte, pwe sisap mäfeiengau?”

Föför 21:13

Mürin Paulus a pölüeni, “Pwota oua kechü o atai letipei? Ngang üa molotä sap ngeni chök ai üpwe föfö, nge pwal ngeni ai üpwe mäla lon Jerusalem fän iten ach Samol Jesus.”

Nöün Paulus Toropwe ngeni ekewe Souläng lon Rom 13:11

Oupwe fokun föri iei usun, pun oua silei pwe ewe fansoun a arapoto, pwe ämi oupwe pwätä seni möür. Pun ewe ränin än Kot amanauakich a kaneto iei lap seni ewe fansoun sia popuetä le lükü Jesus Kraist.

Efisos 5:14

Pun meinisin mine a pwäöchüla a saram. Iei mine a mak: “En chon möür, kopwe pwätä, kopwe towu seni mäla, pun Kraist epwe asaramok.”