Sona 1:4 - Chuukese Bible

⁴ Nge ewe Samol mi Lapalap a tinato eu asepwäl mi pöchökül won matau. Iwe, ewe sip a arap ngeni an epwe ta ren watten ewe mölümöl.

Sona 1:4 Iomraidhean Croise

Kölfel 135:6

Ewe Samol mi Lapalap a föri meinisin mine a efich lon läng pwal won fanüfan, lon ekewe matau pwal lon ekewe leni mi alolol meinisin.

Kölfel 135:7

I ewe mi atötäi ekewe kuchu me lesopun fanüfan, a förätä inefi fiti püngün üt, a pwal atowu asepwäl seni an lenien iseis.

Kölfel 148:8

ämi inefi me ütten fau, sno me kuchu, pwal mölümöl mi apwönüetä an allük.

Ekistos 10:13

Iei mine Moses a aitiela wokun won ewe fanü Isip, nge ewe Samol mi Lapalap a awarato asepwälin ötiu won ewe fanü lon unusen ewe rän me pwin. Nge sorotän ewe rän ewe asepwälin ötiu a fen awarato ekewe lifichimas.

Ekistos 10:19

Iwe, ewe Samol mi Lapalap a siwili ewe asepwälin ötiu ngeni enienin lotou a ässätä ekewe lifichimas o pönirelong lon ewe Setipar. Esap fokun nonom mwo eman lifichimas lon unusen ewe fanü Isip.

Ekistos 14:21

Mürin, Moses a aitiela pöün won ewe sät, nge ewe Samol mi Lapalap a aliwini ewe sät ren enienin ötiu mi fokun pöchökül lon unusen ewe pwin, pwe ewe sät a pwasatä, nge ewe lölö a kinikinfesen.

Ekistos 15:10

Nge en ka pönato asepwälum, ewe sät a pwölürela, ra kokotiu usun pilom lon ewe lölö mi lapalap.

Jeremaia 51:16

Lupwen a apasawu mwelian, ekewe koluk fän läng ra ngüngü. A pwal föri ekewe kuchu pwe repwe ässitä seni ekewe lesopun fanüfan. A föri inefi fiti üt o awarato asepwäl seni an kewe lenien iseis.

Amos 4:13

Kot ewe mi alapalapa ekewe chuk o föri asepwäl. A pwäri an ekiek ngeni aramas. A föri mallen rän me rochopwak o nemeni unusen fanüfan, itan Kot ewe Samol mi Unusen Manaman.

Numperis 11:31

Iwe, ewe Samol mi Lapalap a awora och asepwäl mi pönato mansüsü iter kweil seni lematau. Iwe, ra nom pwelin ewe ia ekewe aramasen Israel ra nonom ie ükükün langatamen än eman sai lon eu rän me lepelian meinisin, nge ra ässitiu tori ükükün ülüngat fiit seni won pwül.