Sona 1:2 - Chuukese Bible

² “Kopwe ütä o feila Ninifa ewe telinimw mi lapalap, pwe kopwe apwüngü aramasan, pun üa küna ar föför mi fokun ngau.”

Sona 1:2 Iomraidhean Croise

Keneses 10:11

Nge seni ei fanü Nimrot a pwal feila Asiria o aüetä ekewe telinimw Ninifa, Rehopot Ir, Kala

2. King 19:36

Mürin, Sanherip ewe kingen Asiria a sü, a liwiniti fanüan o imweimw lon Ninifa.

2. Kronika 28:9

Nge eman nöün ewe Samol mi Lapalap soufos itan Otet a nom lon ewe telinimw Samaria. Ätei a towu lükün ewe telinimw, pwe epwe churi ewe mwichen sounfiu mi liwinla Samaria. Iwe, a üreniir, “Pokiten ewe Samol mi Lapalap än ämi kewe lewo we Kot a song ren chon Juta, iei mine a mwüt ngenikemi pwe oupwe akufuur. Nge ämi oua nirela ren eu ninni mi lapalap, pwe ngauen ewe föför a tori läng.

Esra 9:6

Iwe, üa apasa, “Ai Kot, üa fokun säw ai üpwe anetai mesei ngonuk. Pun äm kewe föföringau ra tekia seni mökürem, nge äm kewe tipis ra chukuchukutä tori läng.

Aisea 37:37

Mürin, Sanherip ewe kingen Asiria a sü, a liwiniti fanüan o imweimw lon Ninifa.

Aisea 58:1

Ewe Samol mi Laplap a apasa, “Kopwe kökkö fän leüömong, nge kosap säw. Kopwe alapätä mweliom usun eu rappwa o pwärätä än nei aramas ekewe mwirimwirin Jakop pupungau me tipis.

Jeremaia 20:9

Nge are üa apasa, “Üsap chüen föüni iten ewe Samol mi Lapalap ika kapas fän itan,” mürin om kapas a usun chök ekkei mi kü me lon lelukei, a pwourur me lechüi. Üa resin apwosalong, nge üsap chüen tongeni.

Isikiel 2:7

Iwe, en kopwe chök asile ngeniir ai kewe kapas, inamwo ika repwe rongorong ika resap rongorong, pun ir eu täppin aramas mi lükümach o ü ngeniei.

Osea 7:2

Nge resap ekieki pwe üa chechemeni ar kewe föföringau meinisin. Iei ar kewe tipis ra pweli ünükür, ra nom fän mesei iteiten fansoun.

Sona 3:2

“Kopwe ütä o feila Ninifa ewe telinimw mi lapalap, pwe kopwe aronga ngeni aramasen lon ewe pworaus üa aiti ngonuk.”

Sona 3:3

Iei mine Sona a aleasochis ngeni ewe Samol mi Lapalap o feila Ninifa. Iwe, Ninifa eu telinimw mi fokun watte, pun ükükün toauen ach fetal seni epek tori epek ülüngat rän.

Sona 4:11

Nge ifa usun, ngang üsap achika Ninifa ewe telinimw mi lapalap, ia a wor ie lap seni ipükü rüengeröü aramas resamwo silei lefilen öch me ngau, a pwal wor chomong man lon?”

Mika 3:8

Nge ngang, ewe Samol mi Lapalap a aüraei ren Ngünün me an manaman, a atufichiei, pwe üpwe weweiti mine a pwüng o apworaei, pwe üpwe pwäri ngeni ekewe chon Israel ar kewe tipis.

Nahum 1:1

Iei än Kot kapas usun ewe telinimw Ninifa. Lon ei puk a mak künaen Nahum ewe re Elkos.

Nahum 3:19

Esap wor och epwe tongeni aükala om feiengau, kinasom esap tongeni mola. Meinisin mi rongorong pworausen om feiengau ra alopolop fän pwapwa. Pun iö esap nom fän om angangen ariaföü lon fansoun langatam?

Mateus 10:18

Repwe emwenikemiila mwen ekewe kepina me king pokiten itei, pwe oupwe apworausa ewe Pworaus Allim ngeniir, pwal ngeni ekewe chon lükün Israel.

Mateus 12:41

Lon ewe ränin kapwüng ekewe chon Ninifa repwe ütä o atipisi ei täppin aramas, pun ra aier ren än Sona afalafal. Nge üpwe ürenikemi, pwe eman mi lap seni Sona a nom ikei!

James 5:4

Ousap ngeni ekewe chon angang mi angang ngeni ämi kewe mälämäl liwinin ar angang. Oupwe aüseling ngeni ar lalangau! Än ekewe chon kini ämi kewe räs siöngau a tori selingen Kot, ewe Samol mi Unusen Manaman.

Pwärätä 18:5

Pun an kewe tipis ra chukuchukutä tori läng, nge Kot a chechemeni an kewe föför mi ngau.