Sona 1:17 - Chuukese Bible

¹⁷ Iwe, ewe Samol mi Lapalap a akünöü eman ik mi watte pwe epwe oromala Sona. Iwe, Sona a nonom lon upwen ewe ik lon ükükün ülüngat rän me ülüngat pwin.

Sona 1:17 Iomraidhean Croise

Keneses 1:21

Iei usun Kot a föri chomong sokun man mi watte me kükün pwe matau epwe masou rer. A pwal föri chomong sokun mansüsü. Iwe, Kot a küna pwe a öch meinisin.

Sona 2:10

Mürin, ewe Samol mi Lapalap a kapas ngeni ewe ik. Iwe, ewe ik a musäsinätä Sona wilifanü.

Sona 4:6

Mürin, Kot ewe Samol mi Lapalap a amärätä efoch irä, pwe epwe anürü möküren Sona o angasa seni an weires. Iwe, Sona a fokun pwapwa ren ewe irä.

Apakuk 3:2

Ai Samol mi Lapalap, üa rongorong pworausen mine ka föri, iwe, üa niuokus ren. Ai Samol mi Lapalap, kopwe försefäli om kewe föför mi amwarar lon äm ei fansoun, usun ka föri me lom. Lon om lingeringer kopwe pwal eäni ümöümöch.

Mateus 12:40

Pun usun Sona a nom lon luken ewe ik mi watte lon ükükün ülüngat rän me ülüngat pwin, iei usun Nöün Aramas epwe nom leutun fanüfan lon ükükün ülüngat rän me ülüngat pwin.

Mateus 16:4

A ifan me ngauen me kirikiringauen ei täppin aramasen ikenai! Oua tüngor ngeniei, pwe üpwe föri eu manaman. Nge esap wor eu manaman epwe pwä ngenikemi me lükün ewe chök manaman mi fis ngeni Sona.” Mürin Jesus a likitiir o feila seniir.

Lukas 11:30

Pun usun Sona a eu asisil ngeni ekewe aramasen Ninifa, iei usun Nöün Aramas epwe pwal eu asisil ngeni ei täppin aramas.