Sekaraia 8:3 - Chuukese Bible

³ Iei alon ewe Samol mi Lapalap, “Üpwe liwinsefäliti Sion o imweimw lon Jerusalem. Iwe, Jerusalem epwe iteni ewe telinimw mi let, nge chuki epwe iteni ewe chuk mi pin.”

Sekaraia 8:3 Iomraidhean Croise

Kölfel 2:6

Iwe, a apasa, “Üa seikätä ai king lon wisan me won Sion chuki we mi pin.”

Kölfel 48:1

Ewe Samol mi Lapalap a tekia, nge aramas meinisin repwe fokun mwareiti i me lon ewe telinimwen ach Kot, me won chukun mi pin.

Ekistos 29:45

Iwe, üpwe imweimw lein ekewe chon Israel pwe üpwe ar Kot.

Aisea 1:21

Ewe telinimw mi pwüng me lom a usun chök eman fefin mi föri föförün lisowu. Me lom aramas mi pwüng ra imweimw lon, nge ikenai chon niela aramas ra choni.

Aisea 1:26

Iwe, üpwe atosefälielong ämi souapwüng me souemwen lon wiser usun chök ätekewe me lom. Mürin, Jerusalem epwe iteni eu telinimw mi pwüngüöch me allükülük.”

Aisea 11:9

Esap wor eman epwe afeiengaua eman ika ataela och won chukun Kot mi pin, pun än chon fanüfan silei ewe Samol mi Lapalap epwe alolol usun chök alololun matau.

Aisea 12:6

Oupwe akapwas o köl fän pwapwa, ämi chon Sion, pun Ewe mi Pin lon Israel a tekia me lefilemi.”

Aisea 32:16

Iwe, pwüngüöch me pwüng epwe fisitä lon unusen ewe fanü.

Aisea 60:14

Iwe, nöün chokewe mi ariaföüuk repwe feito o pworotiu mwom, nge meinisin mi turunufaseek repwe chapetiu arun pecheöm. Repwe aita ngonuk telinimwen ewe Samol mi Lapalap, pwal Sion telinimwen Ewe mi Pin lon Israel.

Aisea 65:25

Eman wolif me eman apanen sip repwe mongöfengen, eman laion epwe mongö fetilipwas usun eman kow, nge eman serepenit epwe mongö pwül moromor. Iwe, resap chüen afeiengaua eman ika atala och me won unusen chuki mi pin.” Iei alon ewe Samol mi Lapalap.

Aisea 66:20

Iwe, repwe uwato pwimi kewe seni mwün fanüfan meinisin, pwe eu lifang ngeniei. Repwe uweereto won chuki mi pin lon Jerusalem won oris me woken, won lenien keki, pwal won aas me kamel, usun chon Israel ra uwato ar asoren mongö lon sepi mi limöch lon imwei mi pin.

Aisea 8:18

Ngang üa nom ikei me nei kana ewe Samol mi Lapalap a ngeniei. Äm aia eu asisilen mine epwe fis fän iten chon Israel me ren ewe Samol mi Unusen Manaman, ewe mi imweimw won ewe chuk Sion.

Jeremaia 14:9

Pwota ka usun chök eman aramas mi rükö, ika usun chök eman sounfiu esap wor an tufichin amanaua aramas. Nge en äm Samol mi Lapalap ka nom rem, itom a föü wom. Kosap likitikeemila.’”

Jeremaia 26:18

“Mika seni Moroset a osuni lon fansoun Hiskia ewe kingen Juta o üreni ekewe aramasen Juta meinisin, ‘Iei alon ewe Samol mi Unusen Manaman: Sion epwe tutä usun eu mälämäl. Jerusalem epwe wiliti eu ioien pipi, nge ewe chuk ia ewe imwenfel a nom ie epwe wiliti eu wöllap.’

Jeremaia 31:23

Iei alon ewe Samol mi Unusen Manaman ewe Koten Israel, “Lupwen üpwe aliwinisefäli ekewe aramas ngeni fanüer, repwe apasasefäli ekei kapas me lon ewe fanü Juta me telinimwan kewe, ‘Ewe Samol mi Lapalap epwe afeiöchuk, en leni ia pwüng a nom ie, en chuk mi pin.’

Jeremaia 33:16

Lon ena fansoun chon Juta me chon Jerusalem repwe küna manau o nonom fän kinamwe. Iwe, ewe telinimw epwe iteni ‘Ewe Samol mi Lapalap ach pwüng.’

Isikiel 48:35

Iwe, langatamen unusen tittin ewe telinimw ükükün engol ngeröü walik iach. Nge seni ei otun ewe telinimw epwe iteni: Ewe Samol mi Lapalap a nom ikenan.”

Taniel 9:16

Äm Samol, pokiten om föförün pwüng me om ümöümöch kose mochen kopwe siwili om ekiekin song me lingeringeriti om we telinimw Jerusalem me chukum we mi pin. Pun Jerusalem me noum aramas meinisin ra küna itengau me ren chokewe mi nom ünüküm pokiten äm tipis me tipisin äm kewe lewo.

Sowel 3:17

“Mürin, ämi chon Israel, oupwe silei pwe Ngang ewe Samol mi Lapalap ämi we Kot. Üa imweimw lon Sion won chuki mi pin. Iwe, Jerusalem epwe eu leni mi pin, nge chon ekis resap chüen maun ngeni o liapeni.

Mika 4:1

Iwe, lon ewe fansoun epwe feito, ewe chuk ia a nom ie imwen ewe Samol mi Lapalap epwe fefeitä o nükünük, epwe pwal tekia seni chuk meinisin, nge chon ekewe mwü won fanüfan repwe mwicheto ren.

Sefanaia 3:13

Iwe, chokewe mi chüen manau me lon Israel resap chüen föri föför mi mwäl, resap pwal chüen eäni kapas chofana me kapasen atuputup. Repwe fefeitä o nom fän kinamwe, nge esap wor eman epwe eniwokusuur.”

Sekaraia 1:16

Iei mine üa liwinla Jerusalem pwe üpwe pwäri ai tong ngeni. Imwei epwe kaüsefäl lon, pwal Jerusalem epwe kaüksefäl,’ iei alon ewe Samol mi Unusen Manaman.

Sekaraia 12:6

Lon ena fansoun üpwe föri pwe ekewe eterekesin Juta repwe usun chök eu ekkei lon eu wöllap, ika usun chök efoch töl mi nget me lein pilükün wiich. Repwe arosala chon ekewe mwü meinisin mi nom pwelin ünükür, nge chon Jerusalem repwe chök imweimw lon ar telinimw fän kinamwe.

Sekaraia 14:10

Iwe, unusen ewe fanü epwe siwil ngeni eu maasies seni Kepa mi nom efeng tori Rimon mi nom ör. Nge Jerusalem epwe tekia o nonom chök lon lenian seni ewe Asamalapen Peniamin tori lenien ewe aeuin asamalap, pwal tori ewe Asamalapen Pwokuku, pwal seni ewe imw tekia än Hananel tori än ewe king kewe lenien üchüch föün wain.

Sekaraia 8:16

Ikei ekewe föför oupwe föriir: Oupwe kapas wenechar lefilemi, oupwe eäni kapwüng fän pwüng pwe epwe fis kinamwe.

Sekaraia 8:19

“Ekewe ränin echikefel oua eäni lon arüanün maram, alimuen maram, afisuen maram me aengolun maram repwe wiliti fansoun pwapwa me mwänek me ränin kametip mi apwapwa ngeni chon Juta. Iei mine oupwe sani let me kinamwe.”

Johannes 1:14

Ewe Kapas a wiliti aramas o nonom lefilach. Sia nengeni an we ling, ewe ling Saman a ngeni, pun i Nöün Aleman, a uren ümöümöch me let.

Johannes 14:23

Jesus a pölüeni, “Are eman a echeniei, epwe aleasochisi ai kewe kapas. Iwe, Semei epwe echeni, o Semei me ngang aipwe feito ren o imweimw lon.

2. Korint 6:16

Ifa usun, än Kot imwenfel me uluulun anümwäl ra tongeni nonomfengen? Pun kich än ewe Kot mi manau imwenfel. Usun Kot a apasa, “Üpwe nonom rer o fetalfeil lefiler. Ngang üpwe ar Kot, nge ir repwe nei aramas.”

Kolose 2:9

Pun sokun Kot meinisin a nom lon Kraist lupwen a manau won fanüfan.

Pwärätä 21:10

Iwe, lupwen ai nom lon ngün, ewe chon läng a uweieila won ungen eu chuk mi fokun tekia o a aküna ngeniei Jerusalem, ewe Telinimw mi Pin, a feitiu me läng seni Kot,

Pwärätä 21:27

Nge esap fokun wor och mi limengau epwe tolong lon ewe telinimw, ika eman mi föri föför mi asäw, ika eman mi chofona. Pun chokewe chök a mak iter lon än ewe Lam puken iten chon manau repwe tolong lon ewe telinimw.

Pwärätä 21:3

Iwe, üa rong mwelien eman mi leüömong a kapasowu seni ewe lenien motun king, “Nengeni, imwen Kot a nom lein aramas! Iwe, Kot epwe nonom lefiler o ir repwe aramasan, nge püsin Kot epwe etiir pwe epwe ar Kot.