Sekaraia 5:3 - Chuukese Bible

³ Mürin, a üreniei, “Iei ewe anümamau epwe feitiu won unusen ewe fanü a mak lon ei toropwe. A mak won ewe epek pwe meinisin mi solä repwe kärila, nge pwal won ewe epek a mak pwe meinisin mi akapelmwäl repwe kärila.

Sekaraia 5:3 Iomraidhean Croise

Ekistos 20:15

Kosap solä.

Än Salomon Fos 29:24

Eman aramas mi chonäni eman chon solä a oput püsin manauan. Epwe küna liwiningau, are a pwärätä mine a let lon kapwüng. Nge are esap pwärätä, Kot epwe anümamaua.

Än Salomon Fos 3:33

Ewe Samol mi Lapalap a anümamaua chon leimwen eman aramasangau, nge a afeiöchü chon leimwen eman chon pwüng.

Än Salomon Fos 30:9

Pun are üpwe fokun mötüla, üpwe tongeni amamäsinuk o apasa, “Iö na ewe Samol mi Lapalap?” Nge ika üpwe wöüngau, üpwe solä o atoto itengau won iten ai Kot.

Aisea 24:6

Iei popun fanüfan a fokun anümamau, nge chon ra angei liwinin ar tipis. Pwal iei popun chon fanüfan ra chokisikisila, ekoch chök leir ra chüen manau.

Aisea 43:28

Iei mine üpwe föri met ekewe meilapen ämi imwenfel repwe küna turunufas ren, üpwe pwal föri met Israel epwe fokun tala ren o atolonga nei aramas lon itengau.”

Aisea 48:1

Oupwe aüselinga ei kapas, ämi chon Israel, ämi mwirimwirin Juta. Oupwe aüseling, ämi mi akapelü iten ewe Samol mi Lapalap o köri iten ewe Koten Israel, nge sap fän let me pwüng.

Jeremaia 23:10

Ewe fanü a ur ren chon lisowu. Ekewe soufos ra chök föri föför mi ngau o aeangauei ar manaman. Pokiten ewe anümamau ewe fanü a sangang, nge än ekewe man lenien mongö fetil ra pwasala.

Jeremaia 26:6

mürin üpwe föri pwe ei imwenfel epwe wewe ngeni ewe lon Silo, nge chon ekewe mwü meinisin won fanüfan repwe eäni ottek iten ei telinimw.’”

Jeremaia 5:2

Inamwo ika ra apasa, “Mwo manauen ewe Samol mi Lapalap,” nge ir ra chök akapelmwäl.

Jeremaia 7:9

Oua solä, niela aramas, föri föförün lisowu, akapelmwäl, keni apach mi pwokus ngeni ewe anü Paal o fel ngeni pwal ekoch kot ousap sileer me mwan.

Isikiel 2:9

Iwe, lupwen üa nenela, üa küna efoch pau a itito rei, nge a amwöchü echö toropwe mi mak lon.

Taniel 9:11

Chon Israel meinisin ra puri om allük o kul senuk, pun resap aleasochisi alom. Äm aia tipis ngonuk, iei mine ka atoto wom ekewe anümamau mi fis fän akapel, ekewe mi mak lon ewe puken allük än Moses noum we chon angang.

Osea 4:2

Ra chök ottek, chofana, ninni, solä o föri angangen lisowu. Angangen mwänewüs a wattela, nimanawei aramas a chök likatatap mürin eu.

Lifitikos 19:11

Ousap solä, ousap pwal atuputup ika chofana ngeni chon arumi.

Lifitikos 19:12

Ousap akapelmwäli itei, pwe ousap apiningaua itei ren. Ngang ewe Samol mi Lapalap ämi we Kot.

Amos 3:10

Iei alon ewe Samol mi Lapalap, “Ekei aramas resap silei ar repwe föri mine a pwüng, ir chokewe mi amasoua imwer kewe imwen king ren pisek ra angei fän mwänewüs me solä.

Sekaraia 5:4

Ewe Samol mi Unusen Manaman a apasa pwe epwe tinato ewe anümamau. Epwe tolong lon imwen ewe chon solä, pwal lon imwen ätewe mi akapelmwäl fän itan. Iwe, epwe nonom lon imwer o ataretiu, epwe ataela ekewe irä me fau.”

Sekaraia 8:17

Ousap ekiekin sorongau lon lelukemi eman ngeni eman, ousap pwal sani akapelmwäl. Pun ekei föför meinisin üa oput,” iei alon ewe Samol mi Lapalap.

Malakai 3:5

Iei alon ewe Samol mi Unusen Manaman, “Mürin, üpwe feito remi pwe üpwe apwüngükemi. Ngang üpwe eman chon pwärätä mi atipisi ekewe sourong, ekewe chon lisowu, ekewe mi akapelmwäl me ekewe mi angaua liwinin nöür chon angang, pwal chokewe mi ariaföüü ekewe fefin mi mä pwülüer, ekewe mi mäsen me ekewe chon siamü. Üpwe atipisi chokewe meinisin resap niuokusitiei.”

Malakai 4:6

Epwe akulu leluken ekewe sam ngeni nöür kewe, nge leluken ekewe nau ngeni semer kewe. Nge ika esap fis ei, üpwe feito o ataela ewe fanü ren eu anümamau.”

Mateus 25:41

Mürin epwe üreni chokewe mi nom lepelimöngun, ‘Oupwe feil seniei, ämi chon anümamau, oupwe feila lon ewe ekkei esekun a fen amol fän iten Tefil me nöün chon läng kana!

Lukas 21:35

Pun ewe rän Nöün Aramas epwe war lon, epwe tori aramas meinisin won unusen fanüfan.

Efisos 4:28

Eman mi sosolä me lom epwe ükütiu le solä, nge epwe achocho le angang pwe epwe wor met epwe lomot ngeni püsin i, epwe pwal tongeni alisi ekewe mi wöüngau.

1. Timoty 1:9

Sia pwal silei pwe ekewe allük resap för fän iten ekewe chon pwüng, nge ra för fän iten ekewe chon atai allük me chon ü ngeni mwü, fän iten chokewe resap meniniti Kot me chon tipis, fän iten chokewe resap mochen apini manauer me chokewe resap meniniti lamalam, fän iten chokewe mi niela semer me iner, pwal fän iten ekewe chon niela aramas,

James 5:12

Ämi pwii kana, mwen mettoch meinisin, ousap pwon fän akapel. Ousap ö: pölü läng ika fanüfan ika och mettoch. Are oua apasa “Ewer”, epwe enletin ewer, nge are oua apasa “Apw”, epwe enletin apw, pwe ousap tolong lon än Kot kapwüng.

James 5:4

Ousap ngeni ekewe chon angang mi angang ngeni ämi kewe mälämäl liwinin ar angang. Oupwe aüseling ngeni ar lalangau! Än ekewe chon kini ämi kewe räs siöngau a tori selingen Kot, ewe Samol mi Unusen Manaman.

Josua 9:20

Nge iei meta sipwe föri ngeniir: Sipwe amanaueer, pwe än Kot song esap feitiu woch pokiten sia eäni ngeniir ewe pwon fän akapel.

Pwärätä 21:8

Nge ekewe chon niuoken me chon lükümang, ekewe chon limengau me chon niela aramas, ekewe chon lisowu me chon angangen rong, ekewe chon angang ngeni anümwäl me chon chofona meinisin repwe nom lon ewe noom mi pulopul ren ekkei me primston, iei ewe aruen mäla.”

Pwärätä 22:15

Nge me lükün ewe telinimw a wor chon föri sokun föför mi ngau usun kolak, chon föri angangen rong, chon lisowu, chon niela aramas, chon angang ngeni anümwäl me chon chofona lon ar kapas pwal lon ar föför.