Sekaraia 3:3 - Chuukese Bible

³ Iwe, Josua a ütä fän mesen ewe chon läng, nge a üföüf üf mi limengau.

Sekaraia 3:3 Iomraidhean Croise

Esra 5:2

Mürin Serupapel nöün Sealtiel me Jesua nöün Jehosatak ra ütä o popuetä le aüsefälietä ewe imwen Kot lon Jerusalem. Nge nöün Kot kewe soufos ra etiir o alisiir.

Esra 9:15

Ai Samol mi Lapalap Koten Israel, en ka pwüng, nge ka mwüt ngenikem pwe aia chüen manau. Äm aia pwärätä äm tipis ngonuk. Esap tufich ngenikem pwe aipwe feito fän mesom.”

Aisea 4:4

Ewe Samol epwe apwüngü o alimöchü chon ewe mwü ren an manaman, epwe talü än chon Jerusalem tipis me ewe cha mi ninitiu lon.

Aisea 64:5

En ka etiwa chokana mi pwapwa le föri mine a pwüng, chokana mi chechemeni mine ka mochen pwe repwe föri. En ka songeitikem, nge aia chök sopwela le föri tipis. Iwe, fansoun langatam aia nonom lon tipis. Ifa usun, äm aipwe tongeni küna manau?

Aisea 64:6

Äm meinisin aia usun chök eman aramas mi limengau, äm föförün pwüng meinisin ra usun chök mekipwülün sof mi fokun limengau. Äm meinisin aia aiolol usun chön irä, nge äm tipis a ässikeemila usun asepwäl a ässala mettoch.

Taniel 9:18

Äm Kot, kose mochen kopwe aüselingakem, kopwe anelai mesom o nenengeni leniem mi tatakis me ewe telinimw a iteni itom. Pun äm aisap eäni äm iotekin tüngor pokiten äm pwüng, nge pokiten watten om ümöümöch me om tong ngenikem.

James 2:2

Are eman aramas mi pisekisek a feito lon ämi mwich fän nöün ring seni kolt, pwal fän üfan mi lingöch, nge eman aramas mi wöüngau a pwal feito fän üfan mi mesingau,

Jutas 1:23

oupwe amanaua ekewe ekoch aramas ren ämi angeerewu seni ewe ekkei, iwe, ngeni pwal ekewe ekoch oupwe eäni tong ngeniir fiti niuokus, nge oupwe fen mwo nge oput ewe üf a limengau ren mocheniangauen fituker.

Pwärätä 19:8

Kot a ngeni echö üf mi limöch, a pwechepwech o molupolup pwe epwe üföüf.” (Ewe üf mi pwechepwech iei än ekewe chon pin föför mi pwüng.)