Sekaraia 3:2 - Chuukese Bible

² Iwe, nöün ewe Samol mi Lapalap we chon läng a üreni Satan, “Ewe Samol mi Lapalap epwe apwünguk, Satan. Ewe Samol mi Lapalap mi filätä Jerusalem epwe apwünguk. Ifa usun, ätei esap wewe ngeni efoch wes eman a atowu seni ekkei?”

Sekaraia 3:2 Iomraidhean Croise

2. Kronika 6:5

‘Seni ewe ränin üa emwenawu nei aramasen Israel seni Isip, üsap filätä eu telinimw me lein telinimwen ekewe ainangen Israel meinisin, ia eu imwenfel epwe kaütä ie pwe aramas repwe fel ngeniei ie, üsap pwal filätä eman mwän epwe samol won nei aramasen Israel.

2. Kronika 6:6

Nge iei üa filätä Jerusalem pwe ina ewe leni aramas repwe fel ngeniei ie, üa pwal filätä Tafit pwe epwe nemeni nei aramasen Israel.’

Kölfel 109:31

Pun i a peni ewe chon mwelele, pwe epwe amanaua seni chokewe mi atipisi pwe epwe mäla.

Aisea 7:4

Iwe, kopwe apasa ngeni, ‘Kopwe afäluk o mosonoson, kosap niuokus are öürek lon letipom pokiten ekana ruoman king ra wewe ngeni ruofoch amüch resap mwaiken. Kosap niueiti än Resin me än ekewe chon Siria song mi fokun watte, pwal än nöün Remalia we song.

Taniel 12:1

Iwe, ewe chon läng a pwal üra, “Lon ewe fansoun Mikael ewe samolun chon läng kana, ewe chon peni aramasom, epwe war. Epwe wor eu fansoun riaföü esamwo fis seni me lom, lupwen mwü rekärän poputä tori ei fansoun. Nge lupwen epwe tori ei fansoun, aramasom meinisin mi mak iter lon nöün Kot we puk repwe küna manau.

Amos 4:11

Üa niela ekoch me leimi usun üa niela ekewe chon Sotom me Komora. Nge chokewe mi chüen manau me leimi ra usun esop mwüch a katowu seni ekkei. Iei mwo nge ämi ousap liwinto rei.” Iei usun mine ewe Samol mi Lapalap a apasa.

Sekaraia 1:17

Kopwe pwal asilefeili alon ewe Samol mi Unusen Manaman, ‘Ai kewe telinimw repwe ursefäl ren wöü, nge ngang ewe Samol mi Lapalap üpwe aururusefäli Sion o filisefälietä Jerusalem.’”

Sekaraia 2:12

Iwe, ewe Samol mi Lapalap epwe fanüeni Juta pwe lenian lon ewe fanü mi pin, epwe pwal filisefäli Jerusalem.

Markus 1:25

Iwe, Jesus a allük ngeni ewe ngününgau, “Kopwe fanafanala o towu seni ei mwän.”

Markus 9:25

Iwe, lupwen Jesus a küna, pwe chomong aramas ra säto rer, a apwüngü ewe ngününgau, “En ngün mi afisätä awemwöch me selingepüng üa allük ngonuk pwe kopwe towu seni ewe ät, nge kosap fokun liwinsefäliti.”

Lukas 22:32

Nge ngang üa iotek fän itom Simon, pwe om lükülük esap ükütiu. Iwe, lupwen om kopwe liwinsefäl, kopwe apöchöküla pwiüm kewe.”

Lukas 4:35

Iwe, Jesus a allük ngeni ewe ngününgau, “Kopwe fanafanala o towu seni ei mwän.” Iwe, ewe ngününgau a aturätiu ewe mwän me mwen ekewe aramas, a towu seni, nge esap afeiengaua.

Lukas 9:42

Lupwen ewe ät a feito, ewe ngününgau a aturätiu lepwül o achecha. Nge Jesus a allük ngeni ewe ngününgau pwe epwe towu seni. Iwe, ewe ät a pöchökületä. Mürin Jesus a aliwini ewe ät ngeni saman.

Johannes 13:18

“Ngang üsap kapas usumi meinisin. Üa silei chokewe üa filiiretä, nge makken lon ekewe Toropwe mi Pin epwe pwönüetä, ‘Ätewe mi mongö rei a ü ngeniei.’

Nöün Paulus Toropwe ngeni ekewe Souläng lon Rom 16:20

Iwe, Kot, i popun ach kinamwe, epwe müttir apachacha Satan fän pechemi. Ümöümöchün ach Samol Jesus epwe nonom remi.

Nöün Paulus Toropwe ngeni ekewe Souläng lon Rom 8:33

Iö epwe atipisi afilien Kot kewe? Püsin Kot a pwärätä pwe resap tipis!

1. Johannes 3:8

Are eman a sopwela le föri tipis, i nöün Tefil, pun Tefil a tipis seni lepoputan. Iei popun pwe Nöün Kot a war an epwe atala än Tefil angang.

Jutas 1:23

oupwe amanaua ekewe ekoch aramas ren ämi angeerewu seni ewe ekkei, iwe, ngeni pwal ekewe ekoch oupwe eäni tong ngeniir fiti niuokus, nge oupwe fen mwo nge oput ewe üf a limengau ren mocheniangauen fituker.

Jutas 1:9

Sap mwo nge ewe meilapen chon läng Mikael a föri ei sokun. Lupwen a aninifengen me ewe Tefil ika iö leir epwe nemeni somän Moses, Mikael esap mochen apwüngü Tefil ren kapasen aitengau, nge a apasa, “Ewe Samol epwe apwünguk!”

Pwärätä 17:14

Repwe maun ngeni ewe Lam, nge ewe Lam epwe akufuur, pun i ewe Samol mi lap seni ekewe samol meinisin, pwal i ewe King mi tekia seni ekewe king meinisin. Nge chokewe mi tapwela mürin ir chon kö, chon fil me chon allükülük ngeni.”