Sekaraia 3:1 - Chuukese Bible

¹ Mürin, Kot a aküna ngeniei Josua ewe souasor mi lap mi ütä fän mesen nöün ewe Samol mi Lapalap chon läng, nge Satan a ütä lepelifichin Josua pwe epwe atipisi.

Sekaraia 3:1 Iomraidhean Croise

Keneses 3:15

Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”

Keneses 48:16

pwal ewe chon läng mi amanauaei seni feiengau meinisin epwe afeiöchü ekei ät. Iwe, repwe iteni itei me iten semelapei kewe Apraham me Isaak tori feilfeilachök, repwe pwal fokun chomongola won fanüfan.

1. Kronika 21:1

Iwe, Satan a ü ngeni chon Israel o pesei ngeni Tafit pwe epwe angei iteiten chon Israel.

2. Kronika 29:11

Nei kana, iei ousap alusala fansoun, pun ewe Samol mi Lapalap a filikemiitä pwe oupwe nöün chon angang, oupwe ü fän mesan o angang ngeni, oupwe pwal keni apach mi pwokus ngeni.”

Esra 10:18

Ikkei iten ekewe mwän seni ekewe souasor mi pwüpwülü ngeni fin ekis: Maseia, Elieser, Jarip me Ketalia seni ewe familien Jesua nöün Jehosatak me pwin kewe.

Esra 2:2

Iwe, nöür kewe souemwen Serupapel, Jesua, Nehemia, Seraia, Reelaia, Mortekai, Pilsan, Mispar, Pikwai, Reum me Paana. Iei iteiten ekewe mwän seni ekewe aramasen Israel mi liwinsefäl seni ar oola:

Esra 5:2

Mürin Serupapel nöün Sealtiel me Jesua nöün Jehosatak ra ütä o popuetä le aüsefälietä ewe imwen Kot lon Jerusalem. Nge nöün Kot kewe soufos ra etiir o alisiir.

Kölfel 106:23

Iei mine Kot a apasa pwe epwe aroserela. Nge Moses nöün we chon angang mi fil a ütä lefiler me Kot, pwe epwe asepa an lingeringer, pwe esap aroserela.

Kölfel 109:6

Kopwe filätä eman aramasangau epwe ü ngeni ewe chon oputaei, eman chon atipisi epwe atolonga i lon kapwüng.

Jeremaia 15:19

Iei mine ewe Samol mi Lapalap a apasa, “Are kopwe liwinsefälitiei, üpwe awisasefäliik pwe kopwe angang ngeniei. Are kopwe apasa mine a aüchea, nge sap mine a lomotongau, kopwe aweniei. Ekewe aramas repwe kul ngonuk, nge en kosap kul ngeniir.

Isikiel 44:11

Pun pwüngün pwe repwe chök angang lon ai leni mi pin, repwe mamasa asamalapen Imwenfel o tümwünü ekewe lusun angang. Repwe niela ekewe mönün asoren kek me sokun mönün asor aramas ra uwato, repwe pwal alisi aramas o angang ngeniir.

Isikiel 44:15

Nge ekewe souasor seni ewe ainangen Lefi, ir mwirimwirin Satok mi allükülük le föri angangen leniei mi pin, lupwen chon Israel ra tok seniei, repwe feito rei o angang ngeniei. Iwe, repwe ütä fän mesei o asor ngeniei kirisin me chan ekewe mönün asor. Ngang Kot ewe Samol mi Lapalap üa kapas.

Akai 1:1

Lon aruuen ierin mwün Tarius ewe kingen Persia, lon aeuin ränin ewe awonuen maram, ewe Samol mi Lapalap a kapas ngeni ewe soufos Akai fän iten Serupapel nöün Sealtiel we mwän ewe kepinan Juta, pwal fän iten Josua nöün Jehosatak we mwän ewe souasor mi lap.

Akai 1:12

Mürin, Serupapel nöün Sealtiel we me Josua nöün Jehosatak ewe souasor mi lap, pwal ekewe lusun aramas mi chüen manau ra aleasochisi alon ewe Samal mi Lapalap ar we Kot, pwal alon ewe soufos Akai, pun ewe Samol mi Lapalap ar we Kot a tinala rer. Iwe, ekewe aramas meinisin ra meniniti ewe Samol mi Lapalap.

Akai 2:4

Nge iei oupwe apworachokemi, ämi Serupapel me Josua, pwal ämi aramasen ei fanü meinisin. Oupwe angang, pun ngang üpwe etikemi.

Sekaraia 1:13

Iwe, ewe Samol mi Lapalap a kapas pwetete me aururu ewe chon läng mi piin kapas ngeniei.

Sekaraia 1:19

Iwe, üa aisini ewe chon läng mi piin kapas ngeniei, “Met wewen ekei mächä?” Nge i a pälüeniei, “Ikkei ekewe mwün fanüfan ra atoropasafeili chon Juta, chon Israel me chon Jerusalem.”

Sekaraia 1:9

Mürin üa ais, ‘Met wewen ekei oris, ai samol?’ Nge ewe chon läng mi kapas ngeniei a üreniei, ‘Üpwe aiti ngonuk met wewen.’

Sekaraia 2:3

Mürin, ewe chon läng mi piin kapas ngeniei a kaneto, nge pwal eman chon läng a kaneto pwe epwe churi.

Sekaraia 3:8

Kopwe aüseling, en Josua ewe souasor mi lap, en me chiechiom kewe mi nom reöm, ämi eu asisilen feiöch epwe war: Üpwe emwenato nei we chon angang itan Ewe Palan.

Sekaraia 4:14

Mürin a üreniei, “Ikkeiir ekewe ruoman mwän mi kepit ra angang ngeni ewe Samolun unusen fanüfan.”

Sekaraia 6:11

Kopwe föri epa mwärämwär seni ewe silifer me kolt ra ngonuk o amwärämwärätä won möküren Josua ewe souasor mi lap nöün Jehosatak we mwän.

Malakai 3:1

Iwe, ewe Samol mi Unusen Manaman a pälüeni, “Nengeni, üpwe tinala nei chon künö pwe epwe amolätä efoch al fän itei. Mürin, ewe Samol mi Lapalap, ewe oua kütta, epwe müttir feito lon imwan imwenfel. Nengeni, epwe feito ewe chon künön ewe pwon, ätewe oua pwapwaiti.”

Lukas 21:36

Oupwe mamasa o iotek fansoun meinisin, pwe epwe wor ämi pöchökül pwe oupwe tongeni sü seni ekei mettoch meinisin lupwen repwe fisitä o oupwe tongeni ütä me mwen Nöün Aramas.”

Lukas 22:31

“Simon, Simon, nengeni, Satan a angei an mwümwütä pwe epwe sotunikemi, epwe mworeikemi usun aramas ra mworei föün wiich, pwe pöör epwe imwü seni föün.

Tuteronomi 10:8

Lon ewe fansoun ewe Samol mi Lapalap a aimwüela chon ewe ainangen Lefi pwe repwe mwärei än ewe Samol mi Lapalap we pworun pwon. Repwe pwal ü fän mesen ewe Samol mi Lapalap pwe repwe angang ngeni o afeiöchü aramas ngeni itan, usun ra föri tori ikenai.

Tuteronomi 18:15

“Iwe, ewe Samol mi Lapalap ämi we Kot epwe awora eman soufos me leimi usun ngang, nge ämi oupwe aleasochisi.

1. Petrus 5:8

Oupwe amolakemi o mamasa, pun Tefil, ewe chon oputakemi, a fetalfeil usun eman laion mi wörüwör, nge a kütta iö epwe oromala.

1. Samuel 6:20

Mürin, ekewe re Pet-semes ra üra, “Iö a tongeni ütä fän mesen ewe Samol mi Lapalap, ewe Kot mi pin? Iö sipwe tinala ren ei pworofel, pwe Kot epwe toau senikich?”